ტერორისგან საკუთარი თავის დისტანცირება მოახდინეთ. ამ მოწოდებით გერმანიის საგარეო საქმეთა მინისტრმა ანალენა ბერბოკმა პალესტინის ეროვნულ ადმინისტრაციას მიმართა.
“პალესტინის ხელმძღვანელობას ნათლად ვეუბნებით: ამ ტერორისგან დისტანცირდით…
ეს არ შეიძლება იყოს გამართლებული. როგორც პალესტინის ადმინისტრაციას, თქვენ ვალდებულება გაქვთ, ასევე საკუთარი ხალხის წინაშე”, - განაცხადა ბერბოკმა ევროკავშირის საგარეო საქმეთა მინისტრების საგანგებო შეხვედრაზე, რომელზეც ასევე მიწვეული არიან ისრაელისა და პალესტინის ადმინისტრაციის მაღალი დონის დიპლომატები.
