ისრაელში ამერიკული ავიამზიდის ჩასვლას “სერიოზული ხოცვა-ჟლეტის” გამოწვევა შეუძლია. ამის შესახებ თურქეთის პრეზიდენტმა რეჯეფ თაიფ ერდოღანმა ავსტრიის კანცლერ კარლ ნეჰამერთან ერთობლივ პრესკონფერენციაზე განაცხადა.
ერდოღანმა ისრაელის გადაწყვეტილება, ღაზას სექტორის ბლოკადის, გააკრიტიკა და განაცხადა, რომ პალესტინელებისთვის ელექტროენერგიისა და წყლის მიწოდების შეწყვეტა ადამიანის უფლებებს არღვევს.
“რას აკეთებს შეერთებული შტატების ავიამზიდი ისრაელში? რის გასაკეთებლად მიდის? ის ღაზას მიმდებარე ტერიტორიას დაბომბავს და სერიოზულ ხოცვა-ჟლეტას დაიწყებს”, - განაცხადა ერდოღანმა.
თურქეთის პრეზიდენტმა გაიმეორა თავისი წინადადება მხარეებს შორის მედიატორად გამოსვლის შესახებ და განაცხადა, რომ ომის დასამთავრებლად ძალისხმევას გააგრძელებს. მან ასევე აღნიშნა, რომ მოგვიანებით, სამშაბათს იგი საუბარს გამართავს რუსეთის პრეზიდენტ ვლადიმირ პუტინთან, ასევე გაეროს გენერალურ მდივან ანტონიო გუტერეშთან.