კანადის მოქალაქეები ისრაელს უახლოეს დღეებში თელ-ავივის აეროპორტიდან დატოვებენ, - ინფორმაციას მედია საშუალებები კანადის საგარეო საქმეთა მინისტრ მელანი ჯოლიზე დაყრდნობით ავრცელებენ.
მინისტრის ინფორმაციით, მთავრობა ევაკუაციის განხორციელებას კანადის შეიარაღებული ძალების თვითმფრინავების გამოყენებით გეგმავს და მუშაობს სხვა ვარიანტებზე იმ ადამიანებისთვის, რომლებიც თელ-ავივის აეროპორტში მისვლას ვერ ახერხებენ.
ცნობისათვის, კანადა ამ დრომდე მუშაობს იმის დასადგენად, თუ რამდენი მისი მოქალაქე დაიღუპა ან დაიკარგა ისრაელზე თავდასხმის შემდეგ.
Global Affairs Canada-მ ინფორმაციით, ისრაელში კანადის 3 200-ზე მეტი მოქალაქე ცხოვრობს, ღაზას სექტორში კი - 500-მდე.