GITA-ს მხარდაჭერით, ტექნოლოგიური კონფერენცია „ProdAct Conference 2023 – HOW?“ გაიმართა

GITA-ს მხარდაჭერითა და ProdAct Community - ის ორგანიზებით, Radisson Blu Iveria-ში ტექნოლოგიური კონფერენცია „ProdAct Conference 2023 – HOW?“ გაიმართა, რომელსაც 400-მდე სტუმარი დაესწრო.

ინოვაციებისა და ტექნოლოგიების სააგენტოს ინფორმაციით, კონფერენციის მთავარი თემატიკა პროდუქტების მენეჯმენტზე, დიზაინზე, მარკეტინგსა და დეველოპმენტზე იყო ფოკუსირებული. შესაბამისად ღონისძიება ორიენტირებული იყო შემდეგ თემებზე: წარმატებული პროდუქტის მენეჯერების ხედვის გაცნობა; Product design: Here’s how we do it; მონაცემების ანალიზზე დაყრდნობით მიღებული გადაწყვეტილებების მნიშვნელობა; Agile მეთოლოგიების როლი ციფრული ტრანსფორმაციის პროცესებში.

„კონფერენცია ხუთ სექციას მოიცავდა და აერთიანებდა პრეზენტაციებს, პანელურ დისკუსიებს, „ნეთვორქინგის“ ფართო შესაძლებლობებსა და საჯარო გამოსვლებს. ღონისძიებაზე დამსწრე აუდიტორიის წინაშე 30-მდე სპიკერმა ისაუბრა, როგორც წარმატებული ქართული კომპანიებიდან, ისე მსოფლიო მასშტაბის ორგანიზაციებიდან.

ღონისძიების ფარგლებში, სტუმრებისა და ჟიურის წინაშე, ორგანიზატორების მიერ შერჩეული ხუთი სტარტაპი წარსდგა. ჟიურის შეფასებითა და გადაწყვეტილებით, გამარჯვებული სტარტაპი Globalize - ის მიერ ორგანიზებულ საერთაშორისო კონფერენციაზე გაემგზავრება, ხოლო დანარჩენი ოთხი წარსდგება Startup Central Eurasia -ს მიერ ორგანიზებულ ვირტუალურ ღონისძიებაზე.

ProdAct Community-ის მიზანია, საქართველოში გაზარდოს პროდუქტის მენეჯმენტის ცნობადობა, გააერთიანოს ამ სფეროში მომუშავე სპეციალისტები, დაეხმაროს აღნიშნული ინდუსტრიით დაინტერესებულ ადამიანებს ცოდნის მიღებასა და კომუნიკაციაში და ასევე, წაახალისოს ორგანიზაციებში მიმდინარე ციფრული ტრანსფორმაციის პროცესები“,- ნათქვამია ინფორმაციაში.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ევროკავშირი პროგრამა „განათლება დასაქმებისთვის” ფარგლებში მნიშვნელოვან შედეგებს აქვეყნებს
TNET-ის რეგისტრაციის ოფისი უძრავი და მოძრავი ქონების გაფორმებისა და რეგისტრაციისთვის თბილისში
.ge დომენი წელიწადი 1 ლარად - Domenebi.ge-ს მომხმარებლებს დომენების 2 წლით შეძენა 51 ლარად შეუძლიათ
გაზრდილი სიჩქარე, უცვლელი ფასი