დაავადებათა კონტროლის ცენტრში, ძუძუს კიბოსთან ბრძოლის საერთაშორისო თვესთან დაკავშირებით, ღონისძიება გაიმართა

დაავადებათა კონტროლისა და საზოგადოებრივი ჯანმრთელობის ეროვნულ ცენტრში, ძუძუს კიბოსთან ბრძოლის საერთაშორისო თვესთან, „ვარდისფერ ოქტომბერთან“ დაკავშირებით, ღონისძიება გაიმართა. ამის შესახებ ინფორმაციას ჯანდაცვის სამინისტრო ავრცელებს.

მათივე ცნობით, კონფერენციაზე ძუძუსა და საშვილოსნოს ყელის კიბოს სკრინინგისა და ადრეული დიაგნოსტიკის მნიშვნელობა, კიბოს სკრინინგის სახელმწიფო პროგრამა, ადამიანის პაპილომავირუსის საწინააღმდეგო ვაქცინაციის მნიშვნელობა და პროგრამული სიახლეები განიხილეს.

„კონფერენციის მთავარი გზავნილი იყო მოწოდება ძუძუს კიბოზე სკრინინგის პროგრამებში მონაწილეობაზე. კიბოს სკრინინგის რეგულარულად ჩატარება უზრუნველყოფს დაავადების განვითარებისა და სიკვდილობის რისკის მკვეთრ შემცირებას.

კონფერენციის მონაწილეებს მომხსენებლებმა საქართველოში მოქმედი „დაავადებათა ადრეული გამოვლენა და სკრინინგის“ სახელმწიფო პროგრამა გააცნეს, რომლის ფარგლებშიც ხორციელდება ძუძუს, საშვილოსნოს ყელის და მსხვილი ნაწლავის კიბოს სკრინინგის ინტერვენციები, მიზნობრივ პოპულაციებში.

სკრინინგის პროგრამის ფარგლებში, ვიზიტის დაჯავშნა შესაძლებელია როგორც ოჯახის ექიმის დახმარებით, ისე - ონლაინ რეგისტრაციის საშუალებით შემდეგ ბმულზე.

„ვარდისფერი ოქტომბრის“ ფარგლებში დაგეგმილია კონფერენციები და შეხვედრები პირველადი ჯანდაცვის სერვისების მიმწოდებლებთან, კიბოს სკრინინგში ჩართულ სამედიცინო პერსონალთან, მუნიციპალური საზოგადოებრივი ჯანმრთელობის ცენტრების წარმომადგენლებთან და სტუდენტებთან“, - არნიშნულია გავრცელებულ ინფორმაციაში.

უწყების ცნობით, ღონისძიება დაავადებათა კონტროლისა და საზოგადოებრივი ჯანმრთელობის ეროვნული ცენტრის, “ქართული ოცნების” ქალთა ორგანიზაციისა და საქართველოს პარლამენტის ინიციატივით გაიმართა.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
იოსებ მურმანიშვილი - ოსტეოართრიტის სამკურნალოდ კლინიკა „ნიუმედი“ პაციენტებს ინექციური მკურნალობის მეთოდს სთავაზობს, რაც მნიშვნელოვნად აუმჯობესებს სახსრების ფუნქციას და შესაბამისად ზრდის პაციენტის ცხოვრების ხარისხს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ევროკავშირი პროგრამა „განათლება დასაქმებისთვის” ფარგლებში მნიშვნელოვან შედეგებს აქვეყნებს
TNET-ის რეგისტრაციის ოფისი უძრავი და მოძრავი ქონების გაფორმებისა და რეგისტრაციისთვის თბილისში
.ge დომენი წელიწადი 1 ლარად - Domenebi.ge-ს მომხმარებლებს დომენების 2 წლით შეძენა 51 ლარად შეუძლიათ
გაზრდილი სიჩქარე, უცვლელი ფასი