შერიგებისა და სამოქალაქო თანასწორობის საკითხებში სახელმწიფო მინისტრმა თეა ახვლედიანმა თურქეთის რესპუბლიკის მთავარ ომბუდსმენ შერეფ მალკოჩთან შეხვედრა გამართა

შერიგებისა და სამოქალაქო თანასწორობის საკითხებში სახელმწიფო მინისტრმა თეა ახვლედიანმა თურქეთის რესპუბლიკის მთავარ ომბუდსმენ შერეფ მალკოჩთან შეხვედრა გამართა. შეხვედრაში ასევე მონაწილეობდნენ თურქეთის მთავარი ომბუდსმენის მოადგილე სელილ ტუნჩაკი და თურქეთის ელჩი საქართველოში ალი ორბეი.

ამის შესახებ ინფორმაციას შერიგებისა და სამოქალაქო თანასწორობის საკითხებში სახელმწიფო მინისტრის აპარატი ავრცელებს.

მათივე ინფორმაციით, მხარეებმა ხაზი გაუსვეს თურქეთსა და საქართველოს შორის სტრატეგიული პარტნიორობის განვითარებისა და ხალხებს შორის მეგობრული ურთიერთობების მნიშვნელობას; სახელმწიფო მინისტრმა მადლიერება გამოთქვა თურქეთის მიერ საერთაშორისოდ აღიარებულ საზღვრებში საქართველოს სუვერენიტეტისა და ტერიტორიული მთლიანობის მტკიცე მხარდაჭერისთვის და შერეფ მალკოჩის მიერ გამოხატული ინტერესის თანახმად, სტუმრებს გააცნო სახელმწიფო მინისტრის აპარატის მანდატი, მიზნები და ამოცანები, როგორც შერიგებისა და ჩართულობის, ასევე სამოქალაქო თანასწორობისა და ინტეგრაციის მიმართულებით. თავის მხრივ, შერეფ მალკოჩმა მადლობა გადაუხადა სახელმწიფო მინისტრს დეტალური ინფორმაციის მიწოდებისთვის.

„შეხვედრაზე აღინიშნა რეგიონში მშვიდობისა და სტაბილურობის განმტკიცების მნიშვნელობა და ამისთვის დემოკრატიული პრინციპებისა და სტანდარტების შემდგომი გამყარების აუცილებლობა“, - ნათქვამია ინფორმაციაში.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია