BTU-ს სტუდენტებმა Nasa-ს საერთაშორისო კონკურსში გაიმარჯვეს

ბიზნესისა და ტექნოლოგიების უნივერსიტეტის სტუდენტები Nasa-ს საერთაშორისო კონკურსის გამარჯვებულები გახდნენ. ვილნიუსში ჩატარებულ კონკურსში BTU-ს სტუდენტებით დაკომპლექტებულმა გუნდმა პირველი ადგილი დაიკავა.

NASA Space Apps Challenge-ის საერთაშორისო კონკურსი 7-8 ოქტომბერს გაიმართა მთელი მსოფლიოს მასშტაბით. კონკურსში 185-ზე მეტი ქვეყნიდან 30 000-ზე მეტი კონკურსანტი მონაწილეობდა.

BTU-ს სტუდენტები, ნათია ზარიძე და ელენე წერეთელი გაცვლითი პროგრამის ფარგლებში, ვილნიუსში ყოფნისას, კურსელებთან ერთად, დავალების შესასრულებლად 2 დღის განმავლობაში მუშაობდნენ.

როგორც კონკურსის გამარჯვებული ნათია ზარიძე განმარტავს, წელს შემოთავაზებული იყო 30 ჩელენჯი Nasa-სგან, რომლიდანაც მონაწილეებს უნდა აერჩიათ ერთ-ერთი. BTU-ს გუნდმა აირჩია Titan City, 3032.

,,ჩვენ შევქმენით თამაში MARSEOPOLIS. მასში მომხმარებელს შეუძლია შექმნას ადამიანთან მაქსიმალურად მიმსგავსებული სხვადასხვა პროფესიის ადამიანი, რომელიც შემდეგ კოსმოსში გაემგზავრება. ყოველი ეტაპის შემდეგ მომხმარებელი იღებს ინფორმაციას კოსმოსის შესახებ და ეცნობა მის გარშემო საინტერესო ფაქტებს. პროექტის მთავარი მიზანი იყო მაქსიმალურად კარგად წარმოგვეჩინა ის მნიშვნელოვანი ასპექტები, რომლებიც მეცნიერებისა თუ სხვა პროფესიის ადამიანების კოსმოსში გაფრენის დროს უჩნდება. პროექტის ფარგლებში გვინდოდა წარმოგვეჩინა მენტალური ჯანმრთელობის მნიშვნელობა და მისი გავლენა ადამიანზე,’’ - განმარტავს გამარჯვებული, BTU-ს სტუდენტი ნათია ზარიძე.

გუნდში ნათიასა და ელენესთან ერთად იყვნენ მათი კურსელები გერმანიიდან, ავსტრიასა და უკრაინიდან. გამარჯვებულ გუნდს საპრიზო თანხა გადაეცა. ამავდროულად, ისინი Nasa-ს ცენტრში ექსკურსიაზე გაემგზავრებიან.

(R)

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია