ისრაელში „ჰამასის“ თავდასხმის შედეგად დაიღუპა 3 და დაშავდა 9 უკრაინის მოქალაქე, - აღნიშნულ ინფორმაციას უკრაინის საგარეო საქმეთა სამინისტრო ავრცელებს.
„ისრაელში ჰამასის თავდასხმის შედეგად დაღუპულთა რიცხვი სამამდე გაიზარდა“, - განაცხადა უკრაინის საგარეო საქმეთა სამინისტროს პრესსპიკერმა ოლეგ ნიკოლენკომ.
უკრაინის საგარეო საქმეთა სამინისტროს მიერ გავრცელებული ინფორმაციის მიხედვით, ისრაელში მიმდინარე საომარი მოქმედებების შედეგად დაშავებულია უკრაინის 9 მოქალაქე. უკრაინის საგარეო საქმეთა სამინისტრო მათი მდგომარეობის შესახებ ინფორმაციას აზუსტებს.
ნიკოლენკომ აღნიშნა, რომ უკრაინელი დიპლომატები ისრაელის სამართალდამცავებთან ერთად 6 დაკარგული უკრაინელის ადგილსამყოფლის დადგენას ცდილობენ.