GRUNI-ში საქართველოსა და აღმოსავლეთ ევროპის პირველი სტუდენტური საინვესტიციო ფონდი გაიხსნა

გრიგოლ რობაქიძის სახელობის უნივერსიტეტში, საბროკერო კომპანია “Traders’ Hub“-თან პარტნიორობით, საქართველოსა და აღმოსავლეთ ევროპის საგანმანათლებლო სივრცეში პირველი სტუდენტური საინვესტიციო ფონდი გაიხსნა. ამის შესახებ ინფორმაციას გრიგოლ რობაქიძის სახელობის უნივერსიტეტი ავრცელებს.

მათივე ცნობით, აღნიშნული ინიციატივა GRUNI-ს სტუდენტებს შესაძლებლობას მისცემს ივაჭრონ ნიუ-იორკის (NYSE) საფონდო ბირჟაზე არა სიმულაციურ, არამედ რეალურ რეჟიმში, ნამდვილი ანგარიშებით და ნამდვილ დროში. ყოველკვარტალური ანგარიშები ხელმისაწვდომი იქნება უნივერსიტეტის ვებ-გვერდზე. მიღებული მოგება კი ქველმოქმედებას მოხმარდება.

„აღსანიშნავია, რომ პროექტი ბრიტანულ-ქართული გამოცდილების ნაზავია და მსოფლიოს წამყვანი უნივერსიტეტების პრაქტიკას გაუზიარებს ქართველ ახალგაზრდებს. პროექტში ჩართვის შესაძლებლობა სტუდენტების გარდა ექნებათ სკოლის მოსწავლეებსაც და სხვა დაინტერესებულ პირებსაც.

GRUNI Trading Lab-ის გახსნას ესწრებოდნენ სამეცნიერო, სამთავრობო და საფინანსო სექტორის წარმომადგენლები, კერძოდ: საქართველოს ფინანსთა მინისტრის მოადგილე მიხეილ დუნდუა, საქართველოს საპენსიო ფონდის მთავარი საინვესტიციო ოფიცერი გიორგი მელიქიძე და სხვები.

სტუდენტურ საინვესტიციო ფონდს გამოცდილი ტრეიდერი, ტრეიდერთა ჰაბის დამფუძნებელი, 2023 წლის არაბული ტრეიდინგ ჩემპიონატის გამარჯვებული და ამავე მიმართულებით დიდ ბრიტანეთში მრავალწლიანი სამუშაო და სასწავლო გამოცდილების მქონე - რატი ქირია, უხელმძღვანელებს.

პროექტის იდეის ავტორები უნივერსიტეტის რექტორი, პროფესორი მამუკა თავხელიძე და ბიზნესისა და მართვის სკოლის დეკანი პროფესორი ვახტანგ ჭარაია არიან. გრუნი აგრძელებს სიახლეების დანერგვას და კიდევ არაერთ საინტერესო ინიციატივას შესთავაზებს სტუდენტებსა და მოსწავლეებს”, - ნათქვამია ინფორმაციაში.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია