Hack Days Georgia 2023- ის გამარჯვებულები დაჯილდოვდნენ

სასტუმრო “სტამბაში” Hack Days Georgia 2023- ის გამარჯვებულების დაჯილდოება გაიმართა.

ღონისძიება „საქართველოს ფერმერთა ასოციაციის“, „ნიკო კვარაცხელიას სახელობის ფონდის“, „აგროთენქის“, „ბიზნეს ტექნოლოგიების უნივერსიტეტის“ (BTU), Feedc Georgia Ventures-ის ორგანიზებით გაიმართა.

ღონისძიებას მთავრობის, დონორი ორგანიზაციებისა და ბიზნეს სექტორის წარმომადგენლები დაესწრნენ.

საქართველოს ფერმერთა ასოციაციის თავმჯდომარის, ნინო ზამბახიძის განცხადებით, გამარჯვებულებს ეძლევათ შესაძლებლობა, დაუკავშირდნენ უცხოელ კოლეგებს და საქართველოს სახელი საერთაშორისო არენაზე გაიტანონ.

“Hack Day Georgia ძალიან მნიშვნელოვანია, იქიდან გამომდინარე, რომ მთელი საქართველოს მასშტაბით მოვიძიეთ 200-ზე მეტი მონაწილე. 21-ე საუკუნეში ციფრული ტექნოლოგიები არის ის მიმართულება, სადაც როგორც ადგილობრივად, ასევე, საერთაშორისო ბაზარზე შეიძლება ჩვენი ახალგაზრდები გავიდნენ. იმედს ვიტოვებ, რომ ყოველწლიურად მეტი ადამიანი იქნება აღმოჩენილი და მიეცემა შესაძლებლობა, რომ საერთაშორისო არენაზე გაიტანონ საქართველოს სახელი”, - განაცხადა ზამბახიძემ.

ჟიურის მიერ გამოვლენილ სტარტაპ გუნდებს ფულად ჯილდო გადაეცათ, ხოლო ნიკო კვარაცხელიას სახელობის პრიზი - The Nico Kvar Prize, რომელიც ნიკო კვარაცხელიას სახელობის ფონდისა და Gagra Ventures-ის მიერაა ინიცირებული, გუნდ Cloud Crop- ს გადაეცა.

ნიკო კვარაცხელიას დედის, იზა ომაძის განცხადებით, აღნიშნულ პროექტში ფონდი აქტიურად იყო ჩართული.

“დასრულდა მნიშვნელოვანი ღონისძიება Hack Days Georgia, რაშიც ნიკოს ფონდი აქტიურად იყო ჩართული. ღონისძიებაში აქტიურად იყვნენ ჩართულები ახალგაზრდები. ნიკოს ფონდი აფინანსებს მსგავს პროექტებს. ეს იყო პირველი და ვფიქრობ, რომ მომავალშიც გავაგრძელებთ ტექნოლოგიურ სფეროში დასაქმებული ახალგაზრდების წახალისებას.

Hack Day Georgia დიდი დატვირთვა აქვს. მიხარია, რომ ნიკოს ფონდი არის ერთ-ერთი სპონსორი ნიკოს საქმეების გაგრძელების”, - განაცხადა იზა ომაძემ.

“Hack Days Georgia 2023”-ში გამარჯვების მოსაპოვებლად 25-მდე სტარტაპ გუნდი ერთმანეთს ინოვაციური პროდუქტის განვითარებაში სამი დღის განმავლობაში ეჯიბრებოდნენ.

გამარჯვებულ სტარტაპ გუნდებს საჩუქარი „აჭარა ჯგუფმა“ გადასცა.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის