"რესპუბლიკური პარტია" წარმომადგენელთა პალატის სპიკერის პოზიციაზე სტივ სკალისს წარადგენს. ამის შესახებ ინფორმაციას CNN-ი ავრცელებს.

მედიის ინფორმაციით, დღეს "რესპუბლიკური პარტია" დახურულ კარს მიღმა შეიკრიბა, რათა წარმომადგენელთა პალატის სპიკერის პოზიციაზე ფარული წესით კენჭი ეყარა.

კანდიდატები ჯიმ ჯორდანი (ოჰაიოს შტატი) და სტივ სკალისი (ლუიზიანას შტატი) იყვნენ. ხმები კი 113-99-ზე სკალისის სასარგებლოდ გაიყო.