ლიეტუვა უკრაინას სამხედრო დახმარების ახალ პაკეტს გადასცემს

ლიეტუვა უკრაინისთვის სამხედრო დახმარების ახალ პაკეტს ამზადებს, - ინფორმაციას უკრაინული მედია ლიეტუვის თავდაცვის სამინისტროზე დაყრდნობით ავრცელებს.

მათივე ინფორმაციით, დახმარების პაკეტი მოიცავს ორ გამშვებს NASAMS-ის საჰაერო თავდაცვის სისტემებისთვის.

ამასთან, ევროპელ პარტნიორებთან თანამშრომლობით, ქვეყანა უკრაინის შეიარაღებული ძალებისთვის 155 მმ-იან საბრძოლო მასალას შეიძენს.

„რამშტაინის“ ფორმატში გამართულ შეხვედრაზე ლიეტუვის თავდაცვის მინისტრმა, არვიდას ანუსაუსკასმა განაცხადა, რომ ქვეყანა სამხედრო დახმარების სიას უკრაინის ამჟამინდელი საჭიროებების გათვალისწინებით აყალიბებს.

მან ასევე აღნიშნა, რომ უახლოეს მომავალში ლიეტუვა უკრაინას გენერატორებსა და აღჭურვილობას გადასცემს, რომელიც ქვეყანას ზამთრის გადასატანად ესაჭიროება. ასევე გაგრძელდა უკრაინელი სამხედრო მოსამსახურეების წვრთნა და რეაბილიტაცია.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 15.07.2024
მეხუთე თაობის „სანტა ფე“ - მზად ნებისმიერი თავგადასავლისთვის