რუსეთის პრეზიდენტი, ვლადიმერ პუტინი ყირგიზეთში ჩავიდა. ამის შესახებ ინფორმაციას რუსული მედია ავრცელებს.
ალა არჩას სახელმწიფო რეზიდენციაში დღეს ვლადიმერ პუტინსა და მის ყირგიზ კოლეგას, სადირ ჯაფაროვს შორის ოფიციალური შეხვედრა გაიმართება. შეხვედრის შემდეგ პრეზიდენტები ორმხრივ დოკუმენტებს მოაწერენ ხელს და პრესისთვის განცხადებებს გააკეთებენ.
მედიის ინფორმაციით, ვლადიმერ პუტინი დღეს აზერბაიჯანის ლიდერს, ილჰამ ალიევსაც შეხვდება.
ცნობისათვის, ბიშკეკში, ხვალ, დსთ-ს სახელმწიფოთა მეთაურების საბჭოს სხდომა გაიმართება, რომლის ფარგლებში ლიდერები ერთობლივ დოკუმენტებს მოაწერენ ხელს.
