ჯაბა სამუშია პოლონურ-ქართულ კოლოკვიუმში მონაწილეობს

ივანე ჯავახიშვილის სახელობის თბილისის სახელმწიფო უნივერსიტეტის რექტორმა ჯაბა სამუშიამ მონაწილეობა მიიღო სლუპსკის (პოლონეთი) პომორიის უნივერსიტეტში გამართულ პოლონურ-ქართულ კოლოკვიუმში „კონსტიტუციონალიზმი პოლონეთსა და საქართველოში“.

ინფორმაციას ამის შესახებ თბილისის სახელმწიფო უნივერსიტეტი ავრცელებს.

თსუ-ის რექტორის ჯაბა სამუშიას განცხადებით, საქართველო ყოველთვის გრძნობს და აფასებს პოლონეთის მხარდაჭერას ევროინტეგრაციის გზაზე და მნიშვნელოვანია, რომ ეს ურთიერთობები კიდევ უფრო გაღრმავდეს.

„ქართულ-პოლონურ ურთიერთობებს საუკუნოვანი ისტორია აქვს. ჩვენ ერთად ვიბრძოდით იმისათვის, რომ ჩვენი ქვეყნები დამოუკიდებლები და დემოკრატიულები ყოფილიყვნენ; ვაშენებდით და ვაშენებთ სამართლებრივ სახელმწიფოს. საქართველო ყოველთვის გრძნობს და აფასებს პოლონეთის მხარდაჭერას ევროინტეგრაციის გზაზე და ცხადია, მნიშვნელოვანია, რომ ეს ურთიერთობები კიდევ უფრო გავაღრმავოთ“, - განაცხადა თსუ-ს რექტორმა ჯაბა სამუშიამ.

უნივერსიტეტის ცნობით, ღონისძიებაში მონაწილე თბილისის სახელმწიფო უნივერსიტეტისა და პოლონელმა პროფესორებმა ისაუბრეს რუსეთის ოკუპაციის პერიოდში სახელმწიფოს მართვის ორგანოთა სისტემაზე, იმავე პერიოდში ადგილობრივ მმართველობაზე, ტრადიციულ კლასობრივ სისტემაზე საქართველოს პირველი რესპუბლიკის დროს, საბჭოთა პერიოდის პოლონეთის სამართალზე, პოლონეთის 1921 წლის მარტის კონსტიტუციის რევიზიაზე და სხვა საკითხებზე.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო