BTU-ს მეწარმეობის ცენტრი სერვისების არეალს აფართოებს - სამეწარმეო ეკოსისტემის განვითარების ახალი ეტაპი

ბაზრის ანალიზი, ბიზნესგეგმის შედგენა, Pitch Deck-ის მომზადება, ფინანსური და საგრანტო დოკუმენტაციის შემუშავება, ინვესტორებთან კომუნიკაცია და სხვა - ეს იმ კომერციული სერვისების ჩამონათვალია, რომელიც ბიზნესისა და ტექნოლოგიების მეწარმეობის ცენტრში ყველა დაინტერესებული პირისთვის ინდივიდუალურად იქნება ხელმისაწვდომი.

ამიერიდან აღნიშნულ სერვისებზე წვდომა ექნებათ არა მხოლოდ სტარტაპებს, მცირე და საშუალო ზომის მეწარმეებსა და კომპანიებს, არამედ ყველა დაინტერესებულ პირს, რომელიც საკუთარი სტარტაპის/ბიზნესის შექმნასა და განვითარებაზე მუშაობს.

მეწარმეობის ცენტრის ბენეფიციარებს, სპეციალურად შერჩეული ექსპერტები და მენტორები დაეხმარებიან, რომლებიც თავადაც წარმატებული სტარტაპის დამფუძნებლები არიან და საერთაშორისო ასპარეზზე საქმიანობის მრავალწლიანი გამოცდილება აქვთ.

მეწარმეობის ცენტრი ბიზნესისა და ტექნოლოგიების უნივერსიტეტისა და მსოფლიოს უმაღლეს რეიტინგში მყოფი ჰენლის მეწარმეობის ცენტრის პარტნიორობით, 2019 წელს გაიხსნა. ცენტრის მიზანია გაზარდოს მეწარმეთა განვითარების და ფინანსებთან წვდომის შესაძლებლობა, ჩაატაროს კვლევები, ხელი შეუწყოს ეკოსისტემის ინტერნაციონალიზაციას და ინოვაციური ეკოსისტემის ფორმირებას.

2021 წლიდან ბიზნესისა და ტექნოლოგიების უნივერსიტეტი MIT-ს Martin Trust Center-ის წევრი გახდა. შეთანხმება ქვეყანაში სამეწარმეო გარემოს გაუმჯობესებას, სტარტაპების მხარდაჭერასა და ინოვაციური პროცესების სტიმულირებას გულისხმობს.

BTU-ს მეწარმეობის ცენტრის ახალი სერვისების შესახებ დეტალური ინფორმაცია შეგიძლიათ იხილოთ ვებგვერდზე.

(R)

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია