იენს სტოლტენბერგი - ისრაელი მარტო არ არის

ნატო-ს მოკავშირეებმა ბრიუსელში დღეს გამართულ შეხვედრაზე ისრაელის წინააღმდეგ „ჰამასის“ სასტიკი ტერორისტული თავდასხმები დაგმეს, - ამის შესახებ ალიანსის ვებ-გვერდზე გამოქვეყნებულ ინფორმაციაშია აღნიშნული.

პრესრელიზში აღნიშნულია, რომ ისრაელის თავდაცვის მინისტრმა, იოავ გალანტმა მინისტრებს ვიდეო კონფერენციის საშუალებით მიაწოდა ინფორმაცია „ჰამასის“ მიერ ისრაელის მშვიდობიანი მოსახლეობის და ნატო-ს რამდენიმე მოკავშირე სახელმწიფოს მოქალაქეების წინააღმდეგ ჩადენილი სისასტიკეების შესახებ.

„მოკავშირეებმა სოლიდარობა გამოუცხადეს ისრაელს და ცხადყვეს, რომ უფლება აქვს, დაიცვას საკუთარი თავი პროპორციულად ამ გაუმართლებელი ტერორისტული აქტების წინააღმდეგ. მათ მოუწოდეს „ჰამასს“, დაუყოვნებლივ გაათავისუფლოს ყველა მძევალი. მოკავშირეებმა ასევე მკაფიოდ განაცხადეს, რომ არც ერთი ერი ან ორგანიზაცია არ უნდა შეეცადოს სიტუაციის გამოყენებას ან მის ესკალაციას“, - აღნიშნულია ინფორმაციაში.

ალიანსის გენერალურმა მდივანმა, იენს სტოლტენბერგმა შეხვედრაზე განაცხადა, რომ ნატო ისრაელის წინააღმდეგ ტერორისტულ თავდასხმებს გმობს და დასძინა, რომ „ისრაელი მარტო არ არის“.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია