ისრაელის კომუნიკაციების მინისტრი - სირცხვილია, რომ დონალდ ტრამპი პროპაგანდის გავრცელებას ხელს უწყობს

სირცხვილია, რომ დონალდ ტრამპი პროპაგანდის გავრცელებას ხელს უწყობს, - ამის შესახებ ისრაელის კომუნიკაციების მინისტრმა შლომო კარჰიმ Channel 13-თან ინტერვიუში განაცხადა.

„სირცხვილია, რომ ასეთი ადამიანი, ამერიკის შეერთებული შტატების ყოფილი პრეზიდენტი, ხელს უწყობს იმ პროპაგანდის გავრცელებას, რომელიც ისრაელის თავდაცვის ძალებისა და ისრაელის მოქალაქეების სულს აზიანებს“, - განაცხადა კარჰიმ.

შეგახსენებთ, რომ კარჰი დონალდ ტრამპის იმ განცხადებას გამოეხმაურა, რომელშიც აშშ-ის ყოფილმა პრეზიდენტმა ისრაელის დაზვერვა და პრემიერ-მინისტრი ბენიამინ ნეთანიაჰუ გააკრიტიკა.