გიორგი ფანგანმა EU4Energy-ს ორგანიზებით გამართულ შეხვედრაში მიიღო მონაწილეობა

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) წევრმა, გიორგი ფანგანმა ბრიუსელში, EU4Energy-ს ორგანიზებით გამართულ რეგიონულ შეხვედრაში მიიღო მონაწილეობა, სადაც აღმოსავლეთ პარტნიორობის ქვეყნებში განხორციელებული ენერგეტიკული პროექტები განიხილეს. ინფორმაციას სემეკი ავრცელებს.

მათივე ინფორმაციით, გიორგი ფანგანმა მონაწილეებს სემეკის მიერ ევროკავშირის დახმარებით განხორციელებული აქტივობები გააცნო და ყურადღება ენერგეტიკის სექტორის რეგულირების პროცესში მათ მნიშვნელობაზე გაამახვილა.

„შეხვედრის ფარგლებში, მონაწილეებმა აღმოსავლეთ პარტნიორობის ქვეყნებისთვის ენერგეტიკის სექტორში ევროკავშირის დახმარების ინსტრუმენტებზე და აღნიშნული დახმარების ფარგლებში, განხორციელებული პროექტების მართვის მექანიზმებზე იმსჯელეს.

EU4Energy -ის მიზანია, აღმოსავლეთ პარტნიორობის ქვეყნებში სუფთა ენერგიის განვითარებას, ენერგეტიკის საკანონმდებლო და მარეგულირებელი ჩარჩოების, აგრეთვე მტკიცებულებებზე დაფუძნებული ენერგეტიკული პოლიტიკის შემუშავების შესაძლებლობების გაძლიერებას, მდგრადი ენერგეტიკული ინვესტიციებისა და ინფრასტრუქტურული პროექტების ხელსაყრელი გარემოს ჩამოყალიბებას ხელი შეუწყოს. პროგრამა ევროპის ენერგეტიკის მარეგულირებელთა საბჭოს (CEER), ენერგეტიკული გაერთიანებისა და ენერგეტიკის საერთაშორისო სააგენტოს (IEA) მიერ ხორციელდება“,-აღნიშნულია ინფორმაციაში.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია