მაია ბითაძემ კონფერენციაში „ჰაერის ხარისხის მონიტორინგი: მიმდინარე პროგრესი, გამოწვევები და სამომავლო მიმართულებები“ მიიღო მონაწილეობა

საქართველოს პარლამენტის გარემოს დაცვისა და ბუნებრივი რესურსების კომიტეტის თავმჯდომარემ, მაია ბითაძემ მონაწილეობა მიიღო კონფერენციაში, რომელიც ატმოსფერული ჰაერის გაუმჯობესებასა და ჰაერის დაბინძურების პრევენციის საკითხებს მიეძღვნა. ამის შესახებ ინფორმაციას პარლამენტის პრესსამსახური ავრცელებს.

მათივე ცნობით, კონფერენციაზე მაია ბითაძემ განაცხადა, რომ ბოლო წლებში საქართველოს ხელისუფლებამ არაერთი მნიშვნელოვანი ნაბიჯი გადადგა აღნიშნული პრობლემის მოსაგვარებლად, როგორც საკანონმდებლო სფეროში, ისე პრაქტიკული ღონისძიებების გატარების კუთხით.

მან ისაუბრა პარლამენტის მიერ უახლოეს წარსულში მიღებულ კანონებზე, რომლებმაც წვლილი უნდა შეიტანონ ატმოსფერული ჰაერის გაუმჯობესებასა და ჰაერის დაბინძურების პრევენციაში.

„მათ შორისაა ტექინსპექტირებასთან დაკავშირებული რეგულირებები, ამტვერების აღკვეთა, გამწვანების პროექტის ინტეგრირება სივრცით კანონმდებლობაში, გზებზე ავტომობილების გამონაბოლქვის კონტროლი, საწარმოებში თვითმონიტორინგის ვალდებულება და ემისიების შესახებ ახალი კანონის პროექტი.

როგორც კონფერენციაზე აღინიშნა, ატმოსფერული ჰაერის დაბინძურება ერთ-ერთ უმნიშვნელოვანეს გარემოსდაცვით გამოწვევას წარმოადგენს მთელ მსოფლიოში და მათ შორის საქართველოში. ამ საკითხთან გასამკლავებლად ყველაზე ეფექტიან ინსტრუმენტად ჰაერის დაბინძურების მუდმივი მონიტორინგისა და ძირითადი დამაბინძურებლების ანალიზის წარმოება მოიაზრება, რის შედეგად მიღებული მონაცემების საფუძველზეც შესაძლებელი იქნება სწორი სტრატეგიების და სამოქმედო გეგმების დასახვა.

კონფერენციაზე იმსჯელეს გაეროს განვითარების პროგრამის „მმართველობის რეფორმის ფონდის“ ინიციატივაზე, რომლის საფუძველზეც გარემოს ეროვნული სააგენტო, შვედეთის ფინანსური მხარდაჭერით 2019 წლიდან ახორციელებს პროექტს „ჰაერის ხარისხის პოლიტიკის შემუშავების შესაძლებლობების გაუმჯობესება ჰაერის დაბინძურების მონიტორინგის კომპლექსური ინსტრუმენტების დანერგვის გზით“. აღინიშნა, რომ იმავე პროექტის ფარგლებში ქართველი და ევროპელი ექსპერტების მონაწილეობით, ევროკავშირთან ასოცირების შეთანხმების ვალდებულებების შესაბამისად, ჩვენი ქვეყნის ცენტრალური ნაწილის ატმოსფერული ჰაერის ხარისხის მართვის 2023-2025 წლების გეგმა შემუშავდა“, - ნათქვამია ინფორმაციაში.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია