გაერო-ს ჰუმანიტარულ საკითხთა კოორდინაციის ოფისი ქვეყნებს სთხოვს, გამოყონ 294 მილიონი აშშ დოლარი, სასწრაფო დახმარების სახით, პალესტინელების ყველაზე გადაუდებელი საჭიროებებისთვის.
ორგანიზაციაში აცხადებენ, რომ ღაზაში ხუთშაბათს 84 000-ზე მეტი ადამიანი უსახლკაროდ დარჩა, საერთო ჯამში კი თავშესაფრის გარეშე 423 000-ზე მეტი ადამიანია დარჩენილი. ამასთან, მოსახლეობის უმეტესობას აღარ აქვს წვდომა სასმელ წყალზე.
„50 000 ორსული ქალიდან, დაახლოებით 5 500-მა უახლოეს მომავალში უნდა იმშობიაროს. ისინი ცდილობენ, ჰქონდეთ წვდომა ჯანმრთელობის სერვისებზე, რადგან ჯანდაცვის მუშაკები, საავადმყოფოები და კლინიკები თავდასხმის ქვეშ არიან“, - აცხადებენ ორგანიზაციაში.