ჯაბა სამუშიამ სლუპსკის პომორიის უნივერსიტეტის სასწავლო წლის ინაუგურაციაში მიიღო მონაწილეობა

ივანე ჯავახიშვილის სახელობის თბილისის სახელმწიფო უნივერსიტეტის რექტორმა, აკადემიკოსმა ჯაბა სამუშიამ პოლონეთის რესპუბლიკის სლუპსკის პომორიის უნივერსიტეტის სასწავლო წლის ინაუგურაციაში მიიღო მონაწილეობა. ინფორმაციას თბილისის სახელმწიფო უნივერსიტეტი ავრცელებს.

მათივე ცნობით, ღონისძიებას პოლონეთის ეროვნული ასამბლეის (პარლამენტის) სეიმისა და სენატის წევრები, ადგილობრივი მმართველობის წარმომადგენლები, პოლონეთის მართლმადიდებელი ეკლესიისა და პარტნიორი უნივერსიტეტების წარმომადგენლები მსოფლიოს სხვადასხვა ქვეყნიდან.

„საერთაშორისო კოლაბორაცია უმაღლესი განათლების სფეროში მნიშვნელოვანია კულტურათა გაგებისთვის, ერთობლივი კვლევითი საქმიანობის წახალისებისათვის, სტუდენტებისა და პროფესორ-მასწავლებლების გაცვლითი პროგრამების ხელშეწყობისთვის, აკადემიური გამოცდილების გამდიდრებისთვის. ეს არის გრძელვადიანი ურთიერთსასარგებლო თანამშრომლობისკენ მისწრაფება, რომელიც მოგვიწოდებს, რომ მუდმივად ვეძიოთ პარტნიორობის ახალი პერსპექტივები“, - განაცხადა ჯაბა სამუშიამ პომორიის უნივერსიტეტის ინაუგურაციაზე და უნივერსიტეტის სტუდენტებსა და აკადემიურ პერსონალს უნივერსიტეტის სტატუსის მოპოვება მიულოცა.

თბილისის სახელმწიფო უნივერსიტეტის იურიდიულ ფაკულტეტთან თანამშრომლობისა და მხარდაჭერისთვის, თსუ-ის ინტერნაციონალიზაციაში შეტანილი წვლილისათვის რექტორმა ჯაბა სამუშიამ თსუ საპატიო დოქტორი, პოლონეთის რესპუბლიკის სლუპსკის პომორიის უნივერსიტეტის სამართლისა და ადმინისტრაციის ფაკულტეტის პროფესორი, ჰაბილიტირებული დოქტორი დარიუშ შპოპერი ღონისძიებაზე უნივერსიტეტის ოქროს მედლით დააჯილდოვა.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის