გურამ მაჭარაშვილი - აშშ-სთან პარტნიორული ურთიერთობა გვინდა და არა ვასალური დამოკიდებულება - იმედი გვაქვს, ახალი ელჩის მხრიდან შეცდომები დაშვებული არ იქნება

იმედი გვაქვს, აშშ- ის ელჩი „ხალხის ძალის“ განცხადებებს ყურადღებით გაეცნობა და შეცდომები დაშვებული არ იქნება - სხვა შემთხვევაში საქართველო-აშშ-ის ურთიერთობები ვერ იქნება ისეთი, როგორიც უნდა იყოს,- ამის შესახებ „ხალხის ძალის“ წევრმა, უმრავლესობის დეპუტატმა გურამ მაჭარაშვილმა განაცხადა.

მაჭარაშვილის თქმით, ახალმა ელჩმა „მავნე პრაქტიკა“ არ უნდა გააგრძელოს.

„ჩვენ გვაინტერესებს, რა იქნება ელჩის პოზიციები ჩამოსვლის შემდეგ. მთავარი არის ის, რომ არ გააგრძელოს მავნე პრაქტიკა, რასაც ჰქვია საქართველოსთან ვასალური დამოკიდებულება და საქართველოს მიმართ შეურაცხმყოფელი განცხადებების გაკეთება. დიდი მოლოდინი და იმედი გვაქვს, რომ წინა ელჩის პრაქტიკას გაეცნობა, ასევე ყურადღებით გაეცნობა „ხალხის ძალის“ განცხადებებს, თუ რა გვქონდა ჩვენ პრობლემა, რადგან ამერიკასთან გვინდა პარტნიორული ურთიერთობა და არა ვასალური დამოკიდებულება. გამოვთქვამთ დიდ იმედს, რომ ასეთი შეცდომები არ იქნება დაშვებული, სხვა შემთხვევაში საქართველო-ამერიკის ურთიერთობები ვერ იქნება ისეთი, როგორიც უნდა იყოს“, - განაცხადა მაჭარაშვილმა.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 15.07.2024
მეხუთე თაობის „სანტა ფე“ - მზად ნებისმიერი თავგადასავლისთვის