თეონა ჭალიძე - მივმართავ ღარიბაშვილს და კალაძეს, მოვიდნენ სოციალურად დაუცველ ოჯახთან და ექვსი საათი გაძლონ ამ საცხოვრებელ პირობებში, არათუ ექვსი თვე

მივმართავ, პრემიერ-მინისტრს, ირაკლი ღარიბაშვილს და თბილისის მერს, კახა კალაძეს - მათი თქმით, სიღარიბე აღმოიფხვრა, ეკონომიკა გაიზარდა. მოვიდნენ და ამ საცხოვრებელ პირობებში ექვსი საათი გაძლონ, არათუ ექვსი თვე, - ამის შესახებ „სტრატეგია აღმაშენებლის“ პოლიტიკური საბჭოს წევრმა და სოციალური მიმართულების ხელმძღვანელმა, თეონა ჭალიძემ სოციალურად დაუცველ ოჯახთან შეხვედრისას განაცხადა.

როგორც ჭალიძე აღნიშნავს, უსახლკარო და სოციალურად დაუცველი სტატუსის მქონე ოჯახს მერიამ ორხევის საერთო საცხოვრისი მხოლოდ იმ მიზეზით დაატოვებინა, რომ შეზღუდული შესაძლებლობების მქონე დედა „წითელი ჯვრის“ დახმარებით სამკურნალოდ საზღვარგარეთ იმყოფებოდა.

მისივე თქმით, 10 კვადრატულ ფარეხში, სადაც ოჯახი ცხოვრობს, უმძიმესი ვითარებაა. იგი პრემიერ - მინისტრს, ირაკლი ღარიბაშვილსა და თბილისის მერს, კახა კალაძეს მოუწოდებს, რომ მოვიდნენ და თავადვე გაეცნონ აღნიშნულ ვითარებას:

„ამ 10 კვადრატული ფარეხში, სადაც ელექტროენერგია, წყალი, ბუნებრივი აირი არ არის, შეზღუდული შესაძლებლობის ქალი სამი შვილით სოციალურად დაუცველი, ყოველგვარი საცხოვრებელი, საარსებო პირობების გარეშე ცხოვრობს,.

მივმართავ პრემიერ - მინისტრს, ირაკლი ღარიბაშვილსა და თბილისის მერს, კახა კალაძეს. მათი თქმით, სიღარიბე აღმოიფხვრა, ეკონომიკა გაიზარდა და პარალელურად, ასეთ მდგომარეობაში მყოფ ხალხს სათანადო ყურადღება არ ექცევა. მოვიდნენ და ამ საცხოვრებელ პირობებში ექვსი საათი გაძლონ, არათუ ექვსი თვე, რომელსაც ამ ქალს სთხოვენ, მოიცადოს და შემდეგ გადაწყვეტენ, წაიყვანენ თუ არა სოციალურ საცხოვრისში.

უსახლკაროს სტატუსი ამ ოჯახს უკვე აქვს მინიჭებული და მივმართავ მათ, თბილისის მერს, რომ დროულად და სასწრაფოდ მოხდეს რეაგირება და ეს ოჯახი უკეთეს საცხოვრებელ პირობებში მაინც გადაიყვანონ. ამ ქალბატონმა ყველა ინსტანცია მოიარა, ყველას მიმართა, ვისთვისაც შეიძლებოდა რომ მიემართა. თავიდან ყველა იცილებს და ეუბნებიან, რომ ეს მათი საქმე არ არის.

მერიისგან პასუხად მიიღო, რომ უსახლკაროს სტატუსი თავიდან უნდა მიენიჭოს. ბიუროკრატიული პროცესია, როცა ამ ქალს ეს სტატუსი უკვე ჰქონდა და იმ სოციალურ საცხოვრისში, სადაც ბევრად უკეთესი პირობებია, ერთ წლიანი ხელშეკრულება აქვს და გათვალისწინებულია ვადა“,- განაცხადა ჭალიძემ.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია