თბილისში, არბიტრაჟის დღეები 2023 იმართება

თბილისში, არბიტრაჟის დღეების რიგით მეათე, საერთაშორისო კონფერენცია მიმდინარეობს.

სავაჭრო პალატის ინფორმაციით, ღონისძიება, სავაჭრო პალატასთან არსებული საქართველოს საერთაშორისო საარბიტრაჟო ცენტრის ორგანიზებითა (GIAC) და USAID სამართლის უზენაესობის პროგრამისა და აშშ-ს კომერციის დეპარტამენტის კომერციული სამართლის განვითარების პროგრამის (CLDP) მხარდაჭერით იმართება.

მათივე ინფორმაციით, კონფერენციის მონაწილეებს მისასალმებელი სიტყვით მიმართეს საქართველოს სავაჭრო პალატის პრეზიდენტმა გიორგი პერტაიამ, საქართველოს იუსტიციის მინისტრის მოადგილე ბექა ძამაშვილმა, აშშ-ს კომერციის დეპარტამენტის კომერციული სამართლის განვითარების პროგრამის (CLDP) წარმომადგენელმა ერიკ ვენსიმ და USAID სამართლის უზენაესობის პროგრამის ხელმძღვანელის მოადგილემ ნილ ვაინსტაინიმ.

„კონფერენცია აერთიანებს არბიტრაჟითა და დავების გადაწყვეტის ალტერნატიული მეთოდებით დაინტერესებულ იურისტებსა და პრაქტიკოს ექსპერტებს, რომლებიც , ერთმანეთს უზიარებენ დარგში მიმდინარე სიახლეებს. კონფერენციაზე 200 მდე ადგილობრივი და საერთაშორისო არბიტრი, იურისტი და აკადემიური სფეროს წარმომადგენელი მონაწილეობს.

სამდღიანი ღონისძიების ფარგლებში გაიმართება პანელური დისკუსიები დავების გადაწყვეტის და ტექნოლოგიების, ინვესტორთა დაცვის და საარბიტრაჟო შეთანხმებასთან დაკავშირებულ ახალ გამოწვევებზე და ა.შ.

ასევე, ჩატარდება სამუშაო შეხვედრები იურისტებსა და ექსპერტებს შორის ეფექტიანი თანამშრომლობის შესახებ და თემატური ტრენინგები.

არბიტრაჟის დღეები ასევე მოიცავს სოციალურ ღონისძიებებს, რომელიც მისცემს მონაწილეებს შესაძლებლობას სხვადასხვა ქვეყნის არბიტრაჟის პრაქტიკოსებთან დაამყარონ კავშირები“,- ნათქვამია ინფორმაციაში.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია