საფრანგეთში, ჩრდილოეთ ქალაქ არასში, ერთ-ერთ სკოლაში დანით თავდასხმის შედეგად მასწავლებელი დაიღუპა და ორი ადამიანი მძიმედ დაშავდა.

ამის შესახებ ინფორმაციას BBC-ი ავრცელებს.

გამოცემის ცნობით, ადგილობრივ ხელისუფლებაში აცხადებენ, რომ თავდამსხმელი დაკავებულია.

ამასთან, ვრცელდება ინფორმაცია, რომ დაკავებულია თავდამსხმელის ძმაც.

სააგენტო „ფრანს-პრესს“ პოლიციაში განუცხადეს, რომ თავდამსხმელი თავდასხმის დროს ყვიროდა: "ალაჰ აკბარ", ანუ „დიდება ალაჰს“.

გავრცელებული ინფორმაციით, თავდამსხმელი, რომელიც 20 წლის ახალგაზრდაა, აღნიშნული სკოლის ყოფილი მოსწავლეა.