„პეისერა ბანკ საქართველომ“ საქართველოს მოქალაქეებისთვის ექსკლუზიურად გახდა ხელმისაწვდომი ევროპული ანგარიშები, რომლებიც ევროს ერთიანი გადახდის სივრცეშია (SEPA) ჩართული.

SEPA - Single Euro Payment Area არის ერთიანი ევრო გადახდის სისტემა, რომელიც ევროპის მასშტაბით ევროს ელექტრონული გადახდების პროცესის ჰარმონიზებას ახდენს. საქართველოს მთავრობის განცხადებით, დაგეგმილია საქართველო SEPA-ს შეუერთდეს და აღნიშნულზე აქტიური მუშაობაც მიდის. ეს ნიშნავს, რომ სახელმწიფოს დონეზე კარგად არის გაცნობიერებული, თუ რამხელა მნიშვნელობა აქვს გადახდის ამ სისტემაში ჩართვას. მანამდე კი „პეისერა ბანკ საქართველომ“ კერძო ინიციატივით ის ქვეყნის მოქალაქეებისთვის უკვე ხელმისაწვდომი გახადა.

„პეისერა ბანკ საქართველოს“ გენერალურმა დირექტორმა დიმიტრი ქუმსიშვილმა გადაცემაში „საქმიანი საღამო“ ისაუბრა.

„ჩვენ გვაქვს ექსკლუზიური პროდუქტი, რომელიც დღეს საქართველოს ბაზარზე არ არსებობს. ჩვენ ვართ ერთადერთი ბანკი, რომელიც ქართველ მომხმარებელს უხსნის როგორც ქართულ, ასევე ევროპულ საბანკო ანგარიშს ერთ სივრცეში. ამასთან, ევროპული საბანკო ანგარიში ჩართულია ევროს ერთიანი გადახდის სივრცეში, რაც ევროში სწრაფად და მარტივად ანგარიშსწორების შესაძლებლობას იძლევა. SEPA-ში განაცხადი ქვეყანასაც აქვს გაკეთებული. ეს ადასტურებს, თუ რამდენად მნიშვნელოვანია SEPA-ს წევრობა. ჩვენი, ჩვენი კერძო ინიციატივით ეს უკვე შევძელით. ეს გახლავთ ევროპასთან ინტეგრაცია ფინანსური მიმართულებით. ფინანსური ანგარიშსწორების სისტემის ევროპასთან ინტეგრაცია მოვახდინეთ. ეს გვაძლევს შესაძლებლობას გავამარტივოთ ვაჭრობა და ზოგადი ანგარიშსწორება. ჩვენი შეთავაზებები საზოგადოებისთვის დიდი სარგებლის მომტანია,“ - განაცხადა დიმიტრი ქუმსიშვილმა.

"პეისერა ბანკ საქართველოს" ბიზნესმოდელი ევროკავშირის ფინანსურ სისტემასთან ინტეგრაციას ეფუძნება და მომხმარებლებისთვის ინოვაციური ციფრული პროდუქტების შეთავაზებას გულისხმობს.