კავკასიის საერთაშორისო უნივერსიტეტში, სამუშაო შეხვედრა გაიმართა თემაზე: „უნარები დასაქმებისთვის“

13 ოქტომბერს კავკასიის საერთაშორისო უნივერსიტეტში ბიზნესისა და ტექნოლოგიების ფაკულტეტის ორგანიზებით, პოტენციურ დამსაქმებლებთან თანამშრომლობის გაღრმავების მიზნით, სამუშაო შეხვედრა გაიმართა, თემაზე: „უნარები დასაქმებისთვის“.

კავკასიის საერთაშორისო უნივერსიტეტის ცნობით, დისკუსიაში მონაწილეობდნენ 20-მდე წამყვანი კომპანიის - ფინანსთა სამინისტროს, Rooms Hotels-ის, კრედო ბანკის, კაია კონსთრაქშენის, ენერგო-პრო ჯორჯია ჰოლდინგის, Bold&Epic Craft-ის, გუდვილის, პანჯეა ჯორჯიასა და სხვა კომპანიების წარმომადგენლები, ტალანტების შერჩევასა და რეკრუტირებაზე პასუხისმგებელი პირები (კომპანიის ხემლმძღვანელები, ადამიანური რესურსების მართვის მენეჯერები).

„შეხვედრის ფარგლებში მხარეები შეთანხმდნენ სამომავლო თანამშრომლობაზე, სტუდენტთა პრაქტიკის, სტაჟირებისა და დასაქმების მიმართულებით.

ღონისძიებაზე მისასალმებელი სიტყვით წარდგა, ბიზნესისა და ტექნოლოგიების ფაკულტეტის დეკანი - მარიკა კლდიაშვილი. მან მოწვეულ სტუმრებს გააცნო ფაკულტეტის მიმდინარე პროექტები და საგანმანათლებლო პროგრამები.

საგულისხმოა, რომ CIU ბიზნესისა და ტექნოლოგიების ფაკულტეტის ამოცანაა, ისეთი საგანმანათლებლო პროგრამების განხორციელება, რომლებიც შეესაბამება უნივერსიტეტის მისიას, ადგილობრივი შრომის ბაზრის მოთხოვნებს და ითვალისწინებს საერთაშორისო ბაზრის ტენდენციებს.

ღონისძიების პარტნიორები არიან ციფრული HRMS პლატფორმა Self.ge და Sfero.ge.

დისკუსიაში ასევე მონაწილეობდნენ CIU-ს საგანმანათლებლო პროგრამების ხელმძღვანელები და ხარისხის უზრუნველყოფის სამსახურის უფროსის მოადგილე“,- ნათქვამია ინფორმაციაში.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის