ისრაელის თავდაცვის ძალები ავრცელებს ინფორმაციას, რომ ღაზას მოსახლეობა საევაკუაციო დერეფნების გამოყენებით, დღეს ადგილობრივი დროით 10:00 საათიდან 16:00 საათამდე, ჩრდილოეთ ზოლის დატოვებას შეძლებს.

„თუ თქვენ საკუთარ თავსა და თქვენს ახლობლებზე ზრუნავთ, წადით სამხრეთის მიმართულებით, ინსტრუქციის მიხედვით. დარწმუნებულნი იყავით, რომ „ჰამასის“ ლიდერებმა უკვე იზრუნეს საკუთარ თავებზე და საჰაერო თავდასხმებს ემალებოდნენ“, - აღნიშნულ ინფორმაციას ისრაელის თავდაცვის ძალები „ტვიტერის“ გვერდზე არაბულად აქვეყნებს.

ისრაელის თავდაცვის ძალებმა გაერო-ს აცნობა, რომ ღაზას პალესტინელი მოსახლეობა სამხრეთით უნდა გადაადგილდეს.