მთავრობის ადმინისტრაციის ორგანიზებით ბოლნისში ღვინის ფესტივალი გაიმართა

მთავრობის ადმინისტრაციის ორგანიზებით, ქალაქ ბოლნისში ღვინის ფესტივალი „ღვინის დღეები“ გაიმართა.

ინფორმაციას ბოლნისის მუნიციპალიტეტის მერია ავრცელებს.

მათი ინფორმაციით, ფესტივალის სტუმრებს, ძველ გერმანულ უბანში, წისქვილის ქუჩაზე ბოლნისელი მეღვინეების მიერ წარმოებული ღვინის დეგუსტაციის შესაძლებლობა ჰქონდათ. ფესტივალის ფარგლებში ასევე მოეწყო ადგილობრივი მეწარმეების პროდუქტების გამოფენა-გაყიდვა.

„საფესტივალო დღის განმავლობაში გაიმართა ღვინის კოქტეილების დეგუსტაცია, ჩურჩხელების ამოვლება, პურის ცხობა, ფელამუშის მომზადება, საწნახელში საზეიმოდ დაიწურა ყურძენი. სპეციალურად ფესტივალის პატარა სტუმრებისთვის სხვადასხვა საბავშვო აქტივობა მოეწყო.

ფესტივალს მუსიკალურად აფორმებდა გიგი პიანომენი, საფესტივალო დღე კი ანსამბლი „ალილოს“, ბენდის ¼ და ლინდა ადამიას კონცერტით დასრულდა.

ღონისძიებას ქვემო ქართლში სახელმწიფო რწმუნებულის მოადგილე ნიკა კობახიძე, ბოლნისის მუნიციპალიტეტის მერი დავით შერაზადიშვილი, ბოლნისის, დმანისის, თეთრიწყაროსა და წალკის მაჟორიტარი დეპუტატი გოგი მეშველიანი, ბოლნისის მუნიციპალიტეტის საკრებულოს თავმჯდომარე თამაზ ჟორჟოლიანი და ადგილობრივი თვითმმართველობის წარმომადგენლები ესწრებოდნენ“,-აღნიშნულია ინფორმაციაში.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის