სამედიცინო დახმარებით დატვირთული თვითმფრინავი ეგვიპტეში დაეშვა, - ამის შესახებ ინფორმაციას ჯანდაცვის მსოფლიო ორგანიზაციის გენერალური დირექტორი ტედროს ადანომ გებრეისუსი ავრცელებს.

თვითმფრინავი, რომელსაც ღაზას მოსახლეობისთვის აუცილებელი სამედიცინო დახმარება გადააქვს, ელ-არიშში, ეგვიპტეში, რაფაჰის გადასასვლელთან ახლოს დაეშვა.

„ჩვენ მზად ვართ სამედიცინო დახმარების მარაგი ღაზას მაშინვე მივაწოდოთ, როგორც კი რაფაჰის გადასასვლელის მეშვეობით ჰუმანიტარული დახმარების გაწევა შესაძლებელი გახდება“, - წერს გებრეისუსი „ტვიტერის“ გვერდზე.