რუსულმა ძალებმა, 15 ოქტომბრის ღამეს, ხარკოვის ოლქის იზიუმის რაიონზე ავიაიერიში მიიტანეს, რის შედეგადაც ორი ადამიანი დაიღუპა, - ინფორმაციას უკრაინული მედია ხარკოვის საოლქო-სამხედრო ადმინისტრაციაზე დაყრდნობით ავრცელებს.

მათივე ინფორმციით, თავდასხმის შედეგად კერძო სახლს ხანძარი გაუჩნდა. დაიღუპა ორი ადამიანი - 57 წლის მამაკაცი და 54 წლის ქალი. კიდევ ერთი ქალი კი დაშავდა და საავადმყოფოში იმყოფება.

ამასთან, რუსულმა ძალებმა წუხელ ხერსონიც დაბომბეს, რის შედეგადაც 79 წლის მამაკაცი მძიმე დაზიანებებით საავადმყოფოში იმყოფება.