მედია - ირანი იმუქრება, რომ თუ ღაზას დაბომბვა არ შეწყდება, ამას შედეგები მოჰყვება

ირანი ისრაელს აფრთხილებს, რომ თუ ღაზას სექტორის დაბომბვას არ შეწყვეტს, ამას შორსმიმავალი შედეგები მოჰყვება.

საინფორმაციო პორტალ Walla-სა და The Jerusalem Post-ის ინფორმაციით, ირანმა ისრაელს გაერო-ს საშუალებით შეტყობინება გაუგზავნა, რომ ის შესაძლოა კონფლიქტში ჩაერიოს, თუ ისრაელი ღაზაში „ჰამასის“ გასანადგურებლად სამხედრო ოპერაციას განაგრძობს.

მედიის ინფორმაციით, შაბათს, ირანის საგარეო საქმეთა მინისტრი, ჰოსეინ ამირაბდოლაჰიანი გაეროს სპეციალურ კოორდინატორს ახლო აღმოსავლეთის სამშვიდობო პროცესის საკითხებზე, ტორ ვენესლანდს ბეირუთში შეხვდა, რათა არსებული სიტუაცია განეხილათ.

ამირაბდოლაჰიანი მოგვიანებით კატარში „ჰამასის“ ლიდერს, ისმაილ ჰანიეს შეხვდა. შეიარაღებული დაჯგუფების ინფორმაციით, შეხვედრაზე მხარეები შეთანხმდნენ, გააგრძელონ თანამშრომლობა „ჰამასის“ მიზნების მისაღწევად.

ამასთან, გაეროში ირანის მისიამ გუშინ განცხადება გაავრცელა, სადაც აღნიშნულია, რომ „თუ ისრაელის აპარტეიდის ომის დანაშაულები და გენოციდი დაუყოვნებლივ არ შეჩერდება, სიტუაცია შეიძლება უკონტროლო გახდეს და შორს მიმავალი შედეგები გამოიწვიოს, რომელზედაც პასუხისმგებლობა გაეროს, უშიშროების საბჭოსა და იმ სახელმწიფოებს ეკისრებათ, რომლებსაც საბჭო ჩიხში შეჰყავთ“.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო