საქართველოს ბიზნეს ასოციაცია - საქართველოს ბიზნეს ასოციაციისა და დიდი ბრიტანეთის სავაჭრო კომისრის შეხვედრის მთავარი საკითხი დიდი ბრიტანეთი-საქართველოს სავაჭრო ურთიერთობები და პარტნიორობის პერსპექტივები იყო

საქართველოს ბიზნეს ასოციაციაში ცენტრალურ აზიასა და აღმოსავლეთ ევროპაში დიდი ბრიტანეთის სავაჭრო კომისართან, კენან პოლეოსთან შეხვედრა გაიმართა, რომელიც საქართველოში პირველი ოფიციალური ვიზიტით იმყოფებოდა. ინფორმაციას საქართველოს ბიზნეს ასოციაცია ავრცელებს.

მათივე ცნობით, შეხვედრის ფარგლებში, საქართველოს საინვესტიციო პოტენციალი, ორმხრივი სავაჭრო ურთიერთობები და პერსპექტივები განიხილეს. საუბარი, ასევე, ბრიტანული კომპანიების ბაზარზე ხელმისაწვდომობის გაუმჯობესებასა და საფინანსო და სავაჭრო პოლიტიკის შემუშავების მნიშვნელობას შეეხო.

შეხვედრის მსვლელობისას, საქართველოს ბიზნეს ასოციაციის პრეზიდენტმა, სოსო ფხაკაძემ ყურადღება მიმდინარე წლის მესამე კვარტლის BAG ინდექსის მონაცემებზე, დიდ ბრიტანეთთან საჰაერო მიმოსვლასა და პირდაპირი ფრენების მნიშვნელობაზე და ასევე, მოქმედ სავიზო რეჟიმზე გაამახვილა.

საქართველოს ბიზნეს ასოციაციის წევრი კომპანიების წარმომადგენლებმა მათთვის აქტუალურ საკითხებზე ისაუბრეს. კერძოდ, საუბარი ღვინის კულტურას და მის პოპულარიზაციას, ენერგეტიკული და უძრავი ქონების თემატიკას შეეხო.

„მივესალმებით დიდი ბრიტანეთის სავაჭრო კომისარს საქართველოში და ვიმედოვნებთ, რომ ჩვენი ქვეყნის ხშირი სტუმარი იქნება, რადგან ბრიტანეთი საქართველოს სტრატეგიული პარტნიორია და შესაბამისად, მნიშვნელოვანია მჭიდრო სავაჭრო ურთიერთობების ჩამოყალიბება და განვითარება. ვიმედოვნებთ, რომ ასეთი სახის შეხვედრები და დისკუსიები სავაჭრო ურთიერთობების გაღრმავებას ხელს შეუწყობს, რაც ბუნებრივია, სახელმწიფოების ურთიერთობებსა და ჩვენი ქვეყნის ეკონომიკურ წინსვლაზე დადებითად აისახება“,- განაცხადა საქართველოს ბიზნეს ასოციაციის აღმასრულებელმა დირექტორმა, ლევან ვეფხვაძემ.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია