პროფესიული უნარების სააგენტო წელს WorldSkills - ის უნარების კონკურსს ეროვნულ დონეზე ჩაატარებს, კონკურსი წინასწარ შერჩეულ სამ პროფესიაში გაიმართება: კულინარია, კონდიტერია, ვებ-ტექნოლოგიები.

ამის შესახებ ინფორმაციას პროფესიული უნარების სააგენტო ავრცელებს.

მათივე ცნობით, გამარჯვებული კანდიდატები WorldSkills რიგით 47-ე საერთაშორისო კონკურსზე წარდგებიან, რომელიც 2024 წელის 10-15 სექტემბერს, საფრანგეთის ქალაქ ლიონში გაიმართება.

„ეროვნულ დონეზე კონკურსში მონაწილეობა შეუძლიათ მიიღონ საკონკურსოდ განსაზღვრული პროფესიების შესაბამისი უნარების მქონე პირებს, რომელთა ასაკიც 2024 წლის მდგომარეობით არ აღემატება 22 წელს: პროფესიული ან უმაღლესი საგანმანათლებლო პროგრამების სტუდენტებსა და კურსდამთავრებულებს; პროფესიული მომზადება/გადამზადების პროგრამების მსმენელებსა და კურსდამთავრებულებს; დასაქმებულებს/თვითდასაქმებულებს.

ეროვნულ კონკურუსში მონაწილეობისთვის: საგანმანათლებლო პროგრამის სტუდენტს, ან კურსდამთავრებულს წარადგენს დაწესებულება - მიმართეთ უშუალოდ საგანმანათლებლო პროგრამის განმახორციელებელ დაწესებულებას; პროფესიული მომზადება/გადამზადების პროგრამის მსმენელს, ან კურსდამთავრებულს წარადგენს პროფესიული მომზადება/გადამზადების პროგრამის განმახორციელებელი იურიდიული პირი - მიმართეთ უშუალოდ შესაბამის იურიდიულ პირს; დასაქმებულს წარადგენს დამსაქმებელი - მიმართეთ უშუალოდ დამსაქმებელს; თვითდასაქმებული კონკურსში საკუთარ თავს წარადგენს, როგორც ინდივიდუალური მეწარმე.

ეროვნულ კონკურსში მონაწილეობის მისაღებად შეირჩევა მაქსიმუმ 20 მონაწილე კულინარიის, მაქსიმუმ - 10 მონაწილე კონდიტერიისა და მაქსიმუმ 14 მონაწილე ვებ-ტექნოლოგიების მიმართულებით.

დაინტერესებულ პირებს განაცხადის შევსება შეუძლიათ ელექტრონულად, შემდეგი ბმულის მეშვეობით: https://bitly.ws/Xki7

დეტალური ინფორმაცია განთავსებულია პროფესიული უნარების სააგენტოს ოფიციალურ Facebook გვერდზე: https://www.facebook.com/SkillsAgencyGeorgia და ასევე, WorldSkills Georgia -ს ოფიციალურ Facebook გვერდზე: https://www.facebook.com/profile.php?id=100088175375993

უნდა აღინიშნოს, რომ პროფესიული უნარების სააგენტო WorldSkills International-ის ასოცირებული წევრი და საქართველოს ოფიციალური წარმომადგენელია.

„WorldSkills International“- ის მისიაა ხელი შეუწყოს მსოფლიოში პროფესიული უნარებისა და კომპეტენციების მაღალი სტანდარტების განვითარებას, პროფესიული განათლების პოპულარიზაციასა და ამ კუთხით, საზოგადოების ცნობიერების ამაღლებას.

შეკითხვების შემთხვევაში დაგვიკავშირდით ელ-ფოსტის მისამართზე: Worldskills@geoskills.ge“, - ნათქვამია ინფორმაციაში.