მამუკა მდინარაძე - ზურაბიშვილი პრეზიდენტად მხოლოდ იმიტომ რჩება, რომ „ნაცები“ უჭერენ მხარს

„ქართული ოცნების“ თავმჯდომარის, მამუკა მდინარაძის განცხადებით, პარლამენტში პრეზიდენტის იმპიჩმენტის შესახებ განხილვა და კენჭისყრა ერთ დღეს ჩატარდება.

როგორც მდინარაძემ პარტიის ოფისში გამართულ ბრიფინგზე განაცხადა, ამ დღესთან დაკავშირებით, უმრავლესობა განსაკუთრებულ მობილიზებას არ გეგმავს.

მისივე თქმით, მმართველი გუნდისთვის მთავარი იყო სახელი დარქმეოდა პრეზიდენტის მხრიდან „დემონსტრაციულ დარღვევას“.

„შევეცდებით, პარლამენტში განხილვა და კენჭისყრა ერთ დღეს ჩავატაროთ, რადგან არ იქნება რელევანტური, რომ ერთ დღეს ჩავატაროთ განხილვა, შემდეგი დღისთვის გადავდოთ კენჭისყრა. თუ ფიქრობთ, რომ ამასთან დაკავშირებით განსაკუთრებით მობილიზებას ვაპირებთ, ამ შიშებს გაგიქარწყლებთ. ოპოზიციას ჰგონია, რომ ჩვენ ვიღაცებს მოვისყიდით. ჩვენთვის მთავარი იყო, რომ სახელი დარქმეოდა იმ დემონსტრაციულ დარღვევას, რასაც პრეზიდენტის მხრიდან ჰქონდა ადგილი და დაფიქსირებულიყო მისი მხრიდან დარღვევა, რომელიც დაფიქსირდა“, - განაცხადა მდინარაძემ.

მისივე განმარტებით, საკონსტიტუციო სასამართლოს აღნიშნული გადაწყვეტილება, რომ არ ყოფილიყო დღის წესრიგში დგებოდა საკითხი - „გვაქვს თუ არა საპარლამენტო მმართველობა ქვეყანაში“.

კითხვაზე, რას შეცვლის სალომე ზურაბიშვილისთვის საკონსტიტუციო სასამართლოს გადაწყვეტილება, მდინარაძე პასუხობს, რომ მან არ იცის გააგრძელებს თუ არა პრეზიდენტი „დემონსტრაციულად“ კონსტიტუციის დარღვევას.

მისივე თქმით, სალომე ზურაბიშვილი პრეზიდენტად იმიტომ რჩება, რომ „ნაციონალური მოძრაობა“ უჭერს მხარს და ხდება მისი თანამონაწილე.

„არ ვიცი რა შედეგს მოიტანს. არ ვიცი ზურაბიშვილი დემონსტრაციულად გააგრძელებს დარღვევას მიუხედავად სასამართლოს გადაწყვეტილებისა. წინასწარ არ ვიცით, რას იზამს, უბრალოდ ყველას გვეცოდინება, რომ პრეზიდენტს არ აქვს ლეგიტიმაცია, რადგან ის არის კონსტიტუციის დამრღვევი პრეზიდენტი და პრეზიდენტად მხოლოდ იმიტომ რჩება, რომ „ნაცები“ უჭერენ მხარს ამ დარღვევაში და ხდებიან მისი თანამონაწილეები. ყველა ის დეპუტატი, რომელიც ამ გადაწყვეტილების მიუხედავად, მხარს არ დაუჭერს იმპიჩმენტს, ხდება პრეზიდენტის თანამონაწილე, კონსტიტუციის დარღვევაში თანამზრახველი. ამ ყველაფრისა და მისი არალეგიტიმურობის მიუხედავად, რა გადაწყვეტილებას მიიღებს, ეს მას კითხეთ.

სალომე ზურაბიშვილმა არ აღიარა ამ ქვეყნის მმართველობის ფორმა, რა ფორმამაც ამ დათქმით მისცა საქართველოს მოსახლეობამ ხმა. არ აღიარა საქართველოს კონსტიტუცია და ვითომ „ევროპული“ მიზეზით, მაინც დაარღვია კონსტიტუცია, მიუხედავად იმისა, რომ იცოდა არღვევდა. შესაბამისად, არ იქნება გასაკვირი თუკი მან დემონსტრაციული დარღვევა გააგრძელა“, - განაცხადა მდინარაძემ.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე