თავისუფალი საპრეზიდენტო არჩევნების სანაცვლოდ აშშ ვენესუელას ნავთობზე სანქციებს შეუმსუბუქებს, -ამის შესახებ ინფორმაციას გამოცემა The Washington Post-ი ავრცელებს.

ჯო ბაიდენისა და ვენესულას პრეზიდენტის ნიკოლას მადუროს ადმინისტრაციები შეთანხმდნენ, რომ აშშ ვენესეულას ნავთობზე სანქციებს შეამსუბუქებს და ვენესუელა მომავალ წელს არჩევნებს საერთაშორისო ზედამხედველობის ქვეშ ჩაატარებს.

მედიის ინფორმაციით, შეთანხმების ფარგლებში აშშ ვენესუელას დროით ლიმიტს დაუწესებს. ასევე, შეთანხმება არ მოიცავს ვენესუელას გაყინული აქტივების გათავისუფლების საკითხს. შეთანხმების პირობების გათვალისწინებით, მადურო ვალდებული გახდება, რომ მომავალ წელს არჩევნებზე საერთაშორისო დამკვირვებლები დაუშვას და მედიის ხელმისაწვდომობა არ შეზღუდოს.