ვიქტორ ორბანი პეკინში სი ძინპინს შეხვდა, - ამის შესახებ ინფორმაციას უნგრეთის პრემიერ-მინისტრი „ტვიტერის“ გვერდზე ავრცელებს.
„დაკავშირება დაშორების ნაცვლად: ეს არის უნგრული მოდელი. ჩვენი მიზანი უნგრეთ-ჩინეთის ურთიერთობების გაძლიერებაა“, - წერს ორბანი „ტვიტერის“ გვერდზე.
„ეს კარგია უნგრეთისთვის და ევროპის ეკონომიკისთვის“, - აღნიშნა ორბანმა.
Reuters-ის მიერ გავრცელებული ინფორმაციით, ჩინეთის პრეზიდენტმა ორბანს განუცხადა, რომ იგი ჩინეთის „მეგობარია“.
ორბანი ევროკავშირის წევრი სახელმწიფოებიდან ერთადერთი ლიდერია, რომელიც პეკინში ფორუმს - „ერთი სარტყელი, ერთი გზა“ დაესწრება.