ირაკლი ღარიბაშვილი - დაწყებული გვაქვს სამხედროებისთვის, პოლიციელებისთვის მნიშვნელოვანი რეფორმები, რომელიც მათი სოციალური მდგომარეობის გაუმჯობესებას უზრუნველყოფს - იგეგმება მათთვის საპენსიო სისტემის დარეგულირდება

ძალიან მალე გამოვაცხადებთ შესაბამის გადაწყვეტილებას, რომლის თანახმადაც, ძალოვანი უწყებებისთვის საპენსიო სისტემა დარეგულირდება. ეს იყო სტატიკური და ჩაკეტილი, - ამის შესახებ პრემიერ-მინისტრმა ირაკლი ღარიბაშვილმა ვეტერანის დღისადმი მიძღვნილ ღონისძიებაზე სიტყვით გამოსვლისას განაცხადა.

მისივე თქმით, ძალოვანი უწყებების თანამშრომლები, რომლებიც მზად არიან გაიღონ საკუთარი სიცოცხლე, მთავრობის მხრიდან სათანადოდ უნდა იყვნენ დაფასებული.

„მინდა ვთქვა, რომ ვმუშაობთ, რათა ზოგადად, ძალოვანი უწყებების თანამშრომელთა ამჟამინდელი სამსახური იყოს შესაბამისად დაფასებული. იცით, რომ სამხედროებისთვის, პოლიციელებისთვის, სპეცსამსახურებისთვის არაერთი წამოწყება, ინიციატივა განვახორციელეთ. პოლიციელებს და ჯარისკაცებს 50%-ით გაეზარდათ ხელფასი. ძალიან მალე გამოვაცხადებთ შესაბამის გადაწყვეტილებას, რომლის თანახმადაც საპენსიო, სისტემა ძალოვანი უწყებებისთვის დარეგულირდება. ეს იყო სტატიკური და ჩაკეტილი. ძალიან მალე გამოვაცხადებ ამ გადაწყვეტილებას.

იცით, რომ დაწყებული გვაქვს ჩვენი სამხედროებისთვის, პოლიციელებისთვის მნიშვნელოვანი რეფორმები, რომელიც უზრუნველყოფს მათი სოციალური მდგომარეობის გაუმჯობესებას, იქნება ეს ბინების მშენებლობა, თუ სხვა სოციალური გარანტიები. ეს ყველაფერი იმისთვის კეთდება, რომ ძალოვანი უწყებების თანამშრომლები, რომლებიც მზად არიან გაიღონ საკუთარი სიცოცხლე, მთავრობის მხრიდან სათანადოდ იყვნენ დაფასებული“, - აღნიშნა პრემიერმა.

გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო