გიორგი ამილახვარმა თბილისის სახელმწიფო უნივერსიტეტის აკადემიურ პერსონალთან შეხვედრა გამართა

საქართველოს განათლებისა და მეცნიერების მინისტრმა გიორგი ამილახვარმა, ივანე ჯავახიშვილის სახელობის თბილისის სახელმწიფო უნივერსიტეტის რექტორ ჯაბა სამუშიასთან ერთად, თსუ-ს აკადემიურ პერსონალთან შეხვედრა გამართა. ინფორმაციას განათლებისა და მეცნიერების სამინისტრო ავრცელებს.

უწყების ინფორმაციით, შეხვედრის მონაწილეებმა საუნივერსიტეტო სიახლეებსა და უმაღლესი განათლების მიმართულებით განსახორციელებელ ინიციატივებზე ისაუბრეს, არსებულ გამოწვევებზე იმსჯელეს და მათი დაძლევის გზები განიხილეს.

„მინისტრმა ყურადღება გაამახვილა ადამიანური კაპიტალის განვითარების ხელშეწყობაზე და აღნიშნა, რომ ამ მიზნით სამინისტრო, კერძო სექტორის ჩართულობით, აქტიურად აგრძელებს მუშაობას სხვადასხვა მიმართულებით.

შეხვედრა დიალოგის რეჟიმში წარიმართა. მინისტრმა უნივერსიტეტის პროფესორ-მასწავლებლების მხრიდან დასმულ შეკითხვებს უპასუხა და მათ უმაღლესი განათლების მიმართულებით სხვადასხვა აქტუალურ საკითხთან დაკავშირებით მიაწოდა ინფორმაცია.

მინისტრთან შეხვედრას თსუ-ს აკადემიური და წარმომადგენლობითი საბჭოს (სენატი) წევრები, სამეცნიერო კვლევითი ინსტიტუტების დირექტორები, შვიდივე ფაკულტეტის დეკანები, ცენტრალური და ფაკულტეტების ადმინისტრაციის წარმომადგენლები ესწრებოდნენ“,-აღნიშნულია ინფორმაციაში.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის