ამერიკის საავტომობილო საერთაშორისო პროფკავშირი ირაკლი პეტრიაშვილს და პროფკავშირების გაერთიანებას სოლიდარობისთვის მადლობას უხდის

უსამართლო ანაზღაურებისა და დაუცველი სამუშაოს გამო, ამერიკული ავტოკომპანიების: „Ford”-ის, „General Motors”- ისა და „Stellantis“- ის ათასობით წევრია გაფიცული. ათასზე მეტი დასაქმებული კი ვადაგასული კონტრაქტით მუშაობს. შესაბამის ინფორმაციას პროფკავშირების გაერთიანება ავრცელებს.

მათივე ცნობით, წინა კვირას, საქართველოს პროფკავშირების გაერთიანებამ ამერიკის სასოფლო-სამეურნეო, საავტომობილო და საავიაციო სფეროში დასაქმებულების გაფიცვას სოლიდარობა გამოუცხადა და სოლიდარობის კამპანიაში ჩაერთო.

ამის გამოც, ამერიკის სასოფლო-სამეურნეო, საავტომობილო და საავიაციო სფეროში დასაქმებულთა საერთაშორისო პროფკავშირის პრეზიდენტმა, შოუნ ფეინმა, საქართველოს პროფკავშირების გაერთიანებას და მის თავმჯდომარეს, ირაკლი პეტრიაშვილს, მადლობის წერილი გამოუგზავნა.

„ამერიკის სასოფლო-სამეურნეო, საავტომობილო და საავიაციო სფეროში დასაქმებულთა საერთაშორისო პროფკავშირის (UAW) ერთი მილიონი აქტიური და გადამდგარი წევრის სახელით, მინდა ამ გაფიცვაში თქვენი სოლიდარული სიტყვებისა და მხარდაჭერისთვის ჩემი ღრმა მადლიერება გამოვხატო. ამჟამად, „Ford”-ის, „General Motors”- ისა და „Stellantis“- ის ჩვენი ათასობით წევრი უსამართლო ანაზღაურების და დაუცველი სამუშაოს გამო გაფიცულია. ათასზე მეტი ვადაგასული კონტრაქტით მუშაობს და ელოდება გამოძახებას.

დიდმა სამმა ამერიკულმა ავტოკომპანიებმა რეკორდული მოგება მიიღეს დიდი რეცესიის შემდეგ. დროა UAW-ის თანამშრომლებმა კომპანიების კეთილდღეობით ისარგებლონ და წლების განმავლობაში შრომისმოყვარეობისა და გაღებული მსხვერპლისთვის დაჯილდოვდნენ. UAW წევრებისთვის, რომლებიც პიკეტის ხაზზე მიდიან, არაფერია უფრო ძლიერი, ვიდრე სოლიდარობის გრძნობა პროფკავშირის თანამემამულე ძმებისა და დების მხრიდან მთელი მსოფლიოდან. ეს არის საჩუქარი, რომელიც ამაღლებს ზნეობას და მოუწოდებს დასაქმებულებს, იცხოვრონ ერთი დღით მეტი და ერთი დღით უფრო ძლიერად ვიდრე მათი კომპანიაა. მადლობას გიხდით სოლიდარობისთვის. UAW თქვენს მხარდაჭერას ამ გაფიცვებში არ დაივიწყებს. სამართალი და სამართლიანი შრომითი პრაქტიკები ვერ მიიღწევა მსოფლიოში თუ ჩვენ არ ვიმუშავებთ და ვიდგებით ერთად! სოლიდარობით, შოუნ ფეინი“, - ვკითხულობთ წერილში.

პროფკავშირების გაერთიანების ცნობით, საავტომობილო სექტორის დასაქმებულების გაფიცვა სექტემბრის თვეში დაიწყო.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო