ფოთში დღეს ფოთის „კოლხეთი 1913“-ის პრეზიდენტისა და დირექტორის თემურ ბარქაიას ხსოვნისადმი მიძღვნილი საფეხბურთო ტურნირი ჩატარდა. ტურნირში გამარჯვებულ ქუთაისის „ტორპედოს“ „თემოს თასი“ გადაეცა.

ორგანიზატორების ინფორმაციით, ყოველ წლის 16 ოქტომბერს, მისი იუბილეს აღსანიშნავად, ტურნირში გამარჯვებულ 12 წლამდე ასაკის ფეხბურთელებს „თემოს თასს“ გადასცემენ.

„ტურნირი ყოველწლიურად იმართება და მასშტაბურ სახეს ატარებს. „თემოს თასი“ წელს ქუთაისის „ტორპედოს“ ერგო და გამარჯვებული გახდა. ტურნირში საქართველოს რეგიონებიდან 8 გუნდი მონაწილეობდა. საფეხბურთო მატჩის ორგანიზატორებმა თემურ ბარქაიას ღვაწლზე ისაუბრეს და აღნიშნეს,რომ თასის გათამაშება მის ხსოვნას და გაწეულ ამაგს უკავშირდება. „თემოს თასი“ ფოთში შარშან დაარსდა და მომავალი თაობების განვითარებაზეა ორიენტირებული“, - ნათქვამია ინფორმაციაში.