ტურიზმის ეროვნული ადმინისტრაცია Mastercard-თან თანამშრომლობას აღრმავებს

საქართველოს ეკონომიკისა და მდგრადი განვითარების მინისტრის მოადგილე, მარიამ ქვრივიშვილი და ტურიზმის ეროვნული ადმინისტრაციის ხელმძღვანელი, მაია ომიაძე Mastercard-ის აღმასრულებელ ვიცე-პრეზიდენტს, ნიკოლა ვილას და კორპორაციის აღმოსავლეთ ევროპის ვიცე-პრეზიდენტს, ენგინ იასარს შეხვდნენ. ინფორმაციას ტურიზმის ეროვნული ადმინისტრაცია ავრცელებს.

მათივე ცნობით, მსოფლიოში ერთ-ერთი უდიდესი კორპორაციის წარმომადგენლებთან შეხვედრა გაეროს მსოფლიო ტურიზმის ორგანიზაციის გენერალური ასამბლეის ფარგლებში გაიმართა. შეხვედრას ტურიზმის ეროვნული ადმინისტრაციის პირველი მოადგილე, თამარ ყორიაული დაესწრო.

„შეხვედრაზე Mastercard-თან თანამშრომლობის გაფართოების პერსპექტივები განხილეს. 2020 წლიდან ტურიზმის ეროვნული ადმინისტრაცია საერთაშორისო კორპორაციასთან თანამშრომლობს, რომლის ფარგლებშიც, Mastercard ადმინისტრაციას საჭირო მონაცემებს აწვდის, რაც ეხმარება ტურიზმის ეროვნულ ადმინისტრაციას სწორად სამიზნე ბაზრები განსაზღვროს, მოგზაურობასთან დაკავშირებული ახალი ტენდენციები შეაფასოს და შედეგად, სათანადოდ დაგეგმოს მარკეტინგული კამპანიები.

Mastercard-თან თანამშრომლობა ციფრული ტექნოლოგიების განვითარებას, მოგზაურობის დაგეგმვას, მონაცემების მიღებას და სხვადასხვა ტურისტულ სერვისებს უწყობს ხელს“,-აღნიშნულია გავრცელებულ ინფორმაციაში.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია