თსუ - გიორგი ამილახვარმა და ჯაბა სამუშიამ თსუ-ში განათლების სფეროში არსებულ გამოწვევებზე ისაუბრეს

საქართველოს განათლებისა და მეცნიერების მინისტრი, გიორგი ამილახვარი თსუ რექტორთან, აკადემიკოს ჯაბა სამუშიასთან ერთად, თბილისის სახელმწიფო უნივერსიტეტის აკადემიურ პერსონალს, ადმინისტრაციისა და სამეცნიერო-კვლევითი ინსტიტუტების წარმომადგენლებს შეხვდა და მათთან ერთად, უნივერსიტეტსა და უმაღლესი განათლების სფეროში არსებულ გამოწვევებზე ისაუბრეს. ინფორმაციას თბილისის სახელმწიფო უნივერსიტეტი ავრცელებს.

უნივერსიტეტის პრესსამსახურის ცნობით, მინისტრთან შეხვედრას თსუ-ს აკადემიური და წარმომადგენლობითი საბჭოს (სენატი) წევრები, სამეცნიერო-კვლევითი ინსტიტუტების დირექტორები, შვიდივე ფაკულტეტის დეკანები, ადმინისტრაციის წარმომადგენლები ესწრებოდნენ.

გიორგი ამილახვარმა უმაღლესი განათლების განვითარების მიმართულებით რამდენიმე მნიშვნელოვანი საკითხი განიხილა, მათ შორის, უნივერსიტეტების დაფინანსების მოდელი და სახელმწიფოს მიერ პრიორიტეტული მიმართულებების საკითხი. მინისტრი ასევე, უნივერსიტეტებში ინტერნაციონალიზაციის პროცესს შეეხო. ისაუბრა ერასმუს პლუსის პროგრამის შესაძლებლობებზე, ონლაინ და დისტანციური სწავლების განვითარებაზე, უცხოელი სტუდენტების მოზიდვასა და ერთობლივი და ორმაგი ხარისხის პროგრამებზე.

შეხვედრა კითხვა-პასუხის რეჟიმით წარიმართა. გიორგი ამილახვარმა უნივერსიტეტის პროფესორ-მასწავლებლების შეკითხვებს უპასუხა და საუნივერსიტეტო გამოწვევებზე ერთობლივად მუშაობის მზადყოფნა გამოთქვა.

შეხვედრის ფარგლებში, რექტორმა ჯაბა სამუშიამ მინისტრს და საუნივერსიტეტო საზოგადოებას სიახლეები გააცნო და არსებულ გამოწვევებზე ისაუბრა. რექტორი შეეხო პრემიერ-მინისტრის გადაწყვეტილებას სტიპენდიების გაორმაგებისა და სტატუსშეჩერებული სტუდენტების დაფინანსების საკითხს. მისი ინფორმაციით, თსუ-ში მნიშვნელოვანი ინფრასტრუქტურული პროექტები დაწყებულია, რის შედეგადაც, უახლოეს მომავალში ყველა სასწავლო სივრცე სრულად მოეწყობა. რექტორმა სტუდენტური საცხოვრებლისა და ახალი ადმინისტრაციული კორპუსის მშენებლობაზე გაამახვილა ყურადღება. ისაუბრა თსუ მედიცინის ფაკულტეტისთვის საკუთარი კლინიკის შესყიდვაზე, მე-6 კორპუსის რეაბილიტაციაზე, შიდა და გარე სივრცეების, სტუდენტური კუთხეების მოწყობაზე ყველა კორპუსში. მისი თქმით, დაგეგმილია საგამოცდო ცენტრის რეაბილიტაცია და აღჭურვა თანამედროვე ტექნიკით, რაც შესაძლებელს გახდის გამოცდების ელექტრონული ფორმატით ჩატარებას”,-აღნიშნულია გავრცელებულ ინფორმაციაში.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო