CENN-მა „ნიკო კეცხოველის სასკოლო პრემია 2024“ გამოაცხადა

„იმოქმედე კლიმატისთვის“ - ეს არის „ნიკო კეცხოველის სახელობის სასკოლო პრემიის“ სახელწოდება, რომელიც მიმდინარე სასწავლო წელს მთელი საქართველოს მასშტაბით განხორციელდება. ამის შესახებ ინფორმაციას CENN-ი ავრცელებს.

კონკურსში მონაწილე სკოლები ძირითად აქცენტს მდგრადი განვითარების მე-13 მიზანზე გააკეთებენ: „კლიმატის მდგრადობის მიღწევა - კლიმატის ცვლილებისა და მისი ზეგავლენის წინააღმდეგ გადაუდებელი ზომების გატარება“.

წლევანდელი საკონკურსო წელი მონაწილეებს კიდევ ერთ სიახლეს, „მდგრადი განვითარების კალენდარს“, შესთავაზებს: თითოეული საკონკურსო თვისთვის შერჩეული პრიორიტეტული მიზნის ქვეშ განხორციელებული აქტივობა დამატებითი ქულებით შეფასდება და შესაბამისი საექსპერტო მხარდაჭერით იქნება უზრუნველყოფილი. საუკეთესო მაჩვენებლების მქონე სკოლები, ტრადიციულად, ჯერ რეგიონულ, შემდეგ კი ეროვნულ ტურებში შეეჯიბრებიან და 3 სინჯის პრემიას გაინაწილებენ.

კონკურსი ხორციელდება CENN-ის მიერ, პროექტ „მწვანე კავკასიის“ ფარგლებში, ავსტრიის განვითარების თანამშრომლობის (ADC) ფინანსური მხარდაჭერით. თანაორგანიზატორები არიან გარემოს დაცვისა და სოფლის მეურნეობის და განათლებისა და მეცნიერების სამინისტროები.

„ნიკო კეცხოველის სასკოლო პრემია“ 2014 წელს დაფუძნდა. მასში მონაწილე სკოლები არეგისტრირებენ ეკო-კლუბებს და მთელი წლის განმავლობაში ახორციელებენ გარემოსდაცვით და სოციალურ ინიციატივებს.

სხვადასხვა წელს გამარჯვებულ სკოლებს გადაეცემოდათ გრანტები, უფინანსდებოდათ ინფრასტრუქტურული პროექტები, ან საგანმანათლებლო ტურები ევროპის ქვეყნებში.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია