სუხიშვილების ევროპული ტური დაიწყო - ანსამბლის გენერალური პარტნიორი „საქართველოს ბანკია“

სუხიშვილების ევროპული ტური დაიწყო, ანსამბლის გენერალური პარტნიორი „საქართველოს ბანკია“. 10 ოქტომბრიდან 15 დეკემბრამდე, სუხიშვილების ანსამბლი ევროპული ტურის ფარგლებში, ევროპის 8 ქვეყნის 45 ქალაქში 48 კონცერტს გამართავს.

„საქართველოს ბანკის“ ცნობით, ღონისძიებები ჩატარდება ბელგიაში, პოლონეთში, ჩეხეთში, შვეიცარიაში, ნიდერლანდებში, თურქეთში, გერმანიასა და საფრანგეთში.

ტურის ფარგლებში, ანსამბლი ევროპელ მაყურებელს ახალ და ტრადიციულ დადგმებსა თუ მუსიკალურ კომპოზიციებს, დაუვიწყარ ქორეოგრაფიას და სანახაობას შესთავაზებს.

ინფორმაციის თანახმად, ტრადიციების შენარჩუნებასთან ერთად, სუხიშვილების ანსამბლი მუდმივად მუშაობს ახლის ძიებასა და განვითარებაზე. კლასიკური, ტრადიციული პროგრამისა და თანამედროვე მოდერნიზმის ჰარმონიული სინთეზი კი სუხიშვილების თითოეულ კონცერტს მაყურებლისთვის დაუვიწყარ სანახაობად აქცევს.

„საქართველოს ბანკის“ გუნდისთვის კულტურული მემკვიდრეობის დაცვა და პოპულარიზაცია ერთ-ერთ პრიორიტეტს წარმოადგენს. ჩვენ კარგად გვესმის, რომ სახელმწიფოებრიობის იდეა გარკვეულწილად ერთიანი წარსულის შეგრძნებასა და ნარატივს ეფუძნება. სუხიშვილების ანსამბლი კი ამ კულტურული წარსულის, ერის სულისკვეთების, ჩვენი თანამედროვეობისა და ქვეყნის მომავლის ერთიანობაა - ტრადიციული და თანამედროვე ელემენტების ჰარმონიული სინთეზი. მათი თვალისმომჭრელი შესრულება მნახველს დაუვიწყარ გამოცდილებას სთავაზობს. სუხიშვილების წარმატებაზე კი მათ მიერ საერთაშორისო საზოგადოების მიერ მოპოვებული აღიარება მეტყველებს. თუმცა, ჩვენ, სუხიშვილების ანსამბლის მსგავსად, არ ვჩერდებით და განვაგრძობთ ახალი ინიციატივების განხორციელებას, რომელიც ხელს შეუწყობს საქართველოს კულტურული ღირებულებების მსოფლიოსთვის გაცნობას“, - აღნიშნავენ „საქართველოს ბანკის“ გუნდში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი