ხატია დეკანოიძე - არ შემიძლია ხაზი არ გავუსვა ძალიან მარტივ უზრდელობას, როცა პრეზიდენტი შემოვიდა დარბაზში და ფეხზე არ ადგნენ - ამით პირველ რიგში საკუთარი თავი დაიმცირა „ქართულმა ოცნებამ“
არ შემიძლია ხაზი არ გავუსვა ძალიან მარტივ უზრდელობას, როცა პრეზიდენტი შემოვიდა და ფეხზე არ ადგნენ - მე არ მაქვს კითხვები კობახიძესთან, არც პრეზიდენტთან, რომელიც ყველაფერს, რასაც ამ ბოლო პერიოდში აკეთებდა, იყო სწორი,- ამის შესახებ ჟურნალისტებთან "ევროოპტიმისტების" დეპუტატმა ხატია დეკანოიძემ დარბაზის დატოვების შემდეგ, ჟურნალისტებთან განაცხადა.
როგორც მან აღნიშნა, პროცესი, რაც პარლამენტში მიმდინარეობს, არის წინაღობა კანდიდატის სტატუსის მისაღებად.
„მე, როგორც საქართველოს მოქალაქემ, როგორც პოლიტიკოსმა, მინდა გამოვხატო ჩემი მხარდაჭერა საქართველოს პრეზიდენტის მიმართ. მე არ მაქვს კითხვები კობახიძესთან, არ მაქვს კითხვები საქართველოს პრეზიდენტთან, რადგან ყველაფერს, რასაც ამ ბოლო პერიოდში აკეთებდა იყო სწორი, განსაკუთრებით პროუკრაინული, პროევროპული პოზიცია და მინდა საზოგადოებას ვუთხრა, რომ "ქართული ოცნების" არჩეული პრეზიდენტია სალომე ზურაბიშვილი, მე როგორც ერთი ადამიანი ოპოზიციიდან, "ქართული ოცნების" ოპოზიციაში ვარ 2012 წლიდან და არც ხმა მიმიცია სალომე ზურაბიშვილისთვის, ამიტომ ეს პროცესი, რაც ხორციელდება პარლამენტში არის სირცხვილი და წინაღობა კანდიდატის სტატუსის მისაღებად.
არ შემიძლია ხაზი არ გავუსვა ძალიან მარტივ და პატარა უზრდელობას, რაც "ქართულმა ოცნებამ" გამოიჩინა ცოტა ხნის წინ, ძალიან მძიმე იყო, როცა საქართველოს პრეზიდენტი შემოვიდა დარბაზში და ისინი ფეხზე არ ადგნენ, ამით პირველ რიგში საკუთარი თავი დაიმცირა "ქართულმა ოცნებამ" და არა პრეზიდენტი,"- განაცხადა დეკანოიძემ.
v-if="article.gallery" v-html="article.gallery"
