ნათია თურნავა - არანაირი პრობლემა სებ-ის ფუნქციონირებას, საფინანსო სექტორს და ჩვენ მიერ პოლიტიკის გატარებას არ შეექმნება

არანაირი პრობლემა სებ-ის ფუნქციონირებას, საფინანსო სექტორს და ჩვენს მიერ პოლიტიკის გატარებას არ შეექმნება, - ამის შესახებ ეროვნული ბანკის პრეზიდენტის მოვალეობის შემსრულებელმა, ნათია თურნავამ განაცხადა.

სებ-ის პრეზიდენტის მოვალეობის შემსრულებელმა ჟურნალისტის მიერ დასმულ კითხვას უპასუხა, იქნება თუ არა საკმარისი საბჭოს ხუთი წევრი გადაწყვეტილებების მიღებისთვის, მაშინ, როდესაც ამ დროისთვის მოქმედი ოთხი წევრი თანამდებობას საბოლოოდ დატოვებს.

„საბჭო ქმედითუნარიანი იქნება. ჩვენ დაკისრებულ მოვალეობებს პირნათლად შევასრულებთ. არანაირი პრობლემა სებ-ის ფუნქციონირებას, რაც მთავარია, საფინანსო სექტორს და ჩვენ მიერ პოლიტიკის გატარებას არ შეექმნება. რა საკვირველია, სასურველი იქნება, შემდგომში შეივსოს ვაკანტური თანამდებობები. მაგრამ გამომდინარე იქიდან, რომ ეს ჩვენს პასუხისმგებლობებს აღემატება და ჩვენს ფუნქციებს სცდება, ამაზე დასკვნას ვერ გავაკეთებთ. ისევ ვამბობ, რომ დეკემბერშიც, იანვარშიც და მომავალ წელსაც სებ-ის მენეჯმენტი ეფექტური იქნება“, - აღნიშნა თურნავამ.

რაც შეეხება ეროვნული ბანკის პრეზიდენტის დანიშვნას, თურნავას თქმით, აღნიშნული საკითხი მათ ფუნქციებს აღემატება.

„მოგეხსენებათ, ეროვნული ბანკის პრეზიდენტის დანიშვნა ჩვენს ფუნქციებს აღემატება, ამიტომ ჩვენ ვერაფერს მოგახსენებთ. იმ საკანონმდებლო ცვლილებების შედეგად, რაც პარლამენტმა გაზაფხულზე მიიღო, ეროვნულ ბანკს პირველი ვიცე-პრეზიდენტი და პრეზიდენტის მოვალეობის შემსრულებელი ჰყავს. ასე რომ ამ კუთხით, საოპერაციო თვალსაზრისით, რაიმე პრობლემა ეროვნულ ბანკს არ შეექმნება. ფორმალურად, ვიცე-პრეზიდენტი ჩვენ ნოემბრის ბოლომდე გვყავს და შესაბამისად, მანამდე ახალი ვიცე-პრეზიდენტების დანიშვნაზე ვერ ვიმსჯელებთ“, - განაცხადა თურნავამ.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია