აშშ-ის პრეზიდენტის ჯო ბაიდენისა და ისრაელის პრემიერ-მინისტრის ბენიამინ ნეთანიაჰუს პირისპირ შეხვედრა დასრულდა. პირისპირ საუბრის დასრულების შემდეგ მხარეებმა მოკლე განცხადებები გააკეთეს.

„მიუხედავად იმისა, რომ ისრაელი ცდილობს შეამციროს მშვიდობიანი მოსახლეობის მსხვერპლი, „ჰამასს“ სურს რაც შეიძლება მეტი ისრაელის მოქალაქე მოკლას და მათ პალესტინელების სიცოცხლე არაფრად არ მიაჩნიათ.

ყოველდღიურად ისინი ორმაგ სამხედრო დანაშაულებს ჩადიან, თავს ესხმიან ჩვენს მოქალაქეებს და საკუთარი მშვიდობიანი მოსახლეობის უკან იმალებიან, მათ ფარად იყენებენ“, - განაცხადა ნეთანიაჰუმ ბაიდენთან პირისპირ შეხვედრის დასრულების შემდეგ.

თავის მხრივ ჯო ბაიდენმა განაცხადა, რომ „აშშ თქვენ გვერდით თავისუფლების დასაცავად, სამართლიანობისა და მშვიდობის მხარდასაჭერად დგას".

„დღეს, ხვალ და ყოველთვის, ჩვენ ამას გპირდებით“, - განაცხადა ჯო ბაიდენმა.