გიორგი ბაქრაძე - მთლიანობაში ეს ცვლილებები გაამყარებს ფინანსურ სტაბილურობას და ხელს შეუწყობს მსესხებლების დაცულობას

უცხოურ ვალუტაში სესხის აღებასთან დაკავშირებით ცვლილებები ხელს შეუწყობს ფინანსური დოლარიზაციის შემცირებას, - აღნიშნულის შესახებ ეროვნული ბანკის პრეზიდენტის მრჩეველმა გიორგი ბაქრაძემ განაცხადა.

მისი თქმით, აღნიშნული ცვლილებით მსესხებლებს, რომელთა სავალუტო რისკები ჰეჯირებულია, სესხის მათთვის შესაფერის ვალუტაში აღების შესაძლებლობა ექნებათ.

„ფინანსური სტაბილურობის კომიტეტზე მიღებული გადაწყვეტილებებიდან ხაზი მინდა გავუსვა ცვლილებებს უცხოურ ვალუტაში სესხის აღებასთან დაკავშირებით. ეს ცვლილებები, ერთი მხრივ ხელს შეუწყობს ფინანსური დოლარიზაციის შემცირებას, მეორე მხრივ კი, საშუალებას მისცემს მსესხებლებს, რომელთა სავალუტო რისკებიც ჰეჯირებულია, სესხი მათთვის შესაფერის ვალუტაში აიღონ. მთლიანობაში ეს ცვლილებები გაამყარებს ფინანსურ სტაბილურობას და ხელს შეუწყობს მსესხებლების დაცულობას და უსაფრთხოებას. ცალკე მინდა აღვნიშნო რომ ეს კიდევ ერთი ნაბიჯია დოლარიზაციის შემცირებაში, რომელზეც ზრუნვა აქტიურად ჯერ კიდევ 2016 წელს დავიწყეთ“, - განმარტავს ბაქრაძე.

18 ოქტომბერს, საქართველოს ეროვნული ბანკის პრეზიდენტის მოვალეობის შემსრულებელმა, ნათია თურნავამ საზოგადოებას ფინანსური სტაბილურობის კომიტეტის გადაწყვეტილება გააცნო.

მედიის წარმომადგენლებმა პრესკონფერენციაზე ეროვნული ბანკის პრეზიდენტის მოვალეობის შემსრულებელს კითხვების დასმის შესაძლებლობა ჰქონდათ.

შეგახსენებთ, რომ ეროვნული ბანკის ფინანსური სტაბილურობის კომიტეტი იკრიბება კვარტალში ერთხელ და იღებს გადაწყვეტილებას მაკროპრუდენციული პოლიტიკის შესახებ.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია