ენტონი ბლინკენი - „ჰამასი“ პალესტინელებს არ წარმოადგენს
„ჰამასი“ პალესტინელებს არ წარმოადგენს, - ამის შესახებ აშშ-ის სახელმწიფო მდივანმა ენტონი ბლინკენმა პალესტინის პრეზიდენტ მაჰმუდ აბასს განუცხადა.
დღეს, აშშ-ის სახელმწიფო მდივანი ენტონი ბლინკენი პალესტინის პრეზიდენტ მაჰმუდ აბასს ტელეფონით ესაუბრა და გუშინ, ღაზაში საავადმყოფოს აფეთქების გამო მწუხარება გამოხატა.
„სახელმწიფო მდივანმა პალესტინელი ხალხის მიმართ აშშ-ის მუდმივი მხარდაჭერა დააფიქსირა და აღნიშნა, რომ „ჰამასის“ ტერორისტები არ წარმოადგენენ პალესტინელებს ან მათ ლეგიტიმურ მისწრაფებებს თვითგამორკვევისთვის, ღირსებისთვის, თავისუფლებისთვის და უსაფრთხოებისთვის“, - ნათქვამია აშშ-ის სახელმწიფო დეპარტამენტის განცხადებაში.
ბლინკენმა და აბასმა ასევე განიხილეს აშშ-ის მცდელობები, რომ ღაზას მშვიდობიანი მოსახლეობისთვის ჰუმანიტარული დახმარების გაწევა მოხერხდეს.
